Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
BOTA
U arrestua në Dubai, Durim Bami refuzon ekstradimin në Shqipëri: Më rrezikohet jeta, 16 banda kërkojnë të më eliminojnë
ZH.LLPërditësimi i fundit 29 Tetor 2024, 14:18
Durim Bami
DUBAI- Detaje të reja kanë dalë nga arrestimi për herë të dytë i Durim Bamit. Një nga personat më të njohur të botës së krimit, Durim Bami u ka kërkuar autoriteteve të Dubait mos ta dorëzojnë në Shqipëri, pasi sipas tij i rrezikohet seriozisht jeta.
Mësohet se Bami u ka renditur autoriteteve emrat e 16 personave që sipas tij tentojnë ta eliminojnë fizikisht dhe nëse sillet në Shqipëri rrezikon të ekzekutohet.
Ndërkohë SPAK dhe Ministria e Brendshme po lobojnë dhe në rrugë diplomatike për ekstradimin e Bamit në Shqipëri.
Bami, i njohur edhe si i forti i Niklës është arrestuar më 21 tetor, ndërsa ka qenë me masën e mbikëqyrjes së vazhdueshme policore, që prej ndalimit të tij në qershor 2024. Durim Bami është shpallur në kërkim nga SPAK në muajin maj, si i përfshirë në kultivimin e parcelave të drogës në zonën e Fushë-Krujës, sigurimin e kushteve për të vrarë ish-deputetin e PS në Lezhë, Arben Ndoka si dhe sigurimin e kushteve për të vrarë dy miqtë e Ervis Martinajt, Erigers Mihasin dhe Tori Xheçukën.
Ai është një nga personazhet që del edhe në komunikimet “Sky ECC” aleancat që ai ka krijuar apo është bërë pjesë në përplasjet që kanë pasuar mes grupeve kriminale.
