Manchester City është klubi që pritet të përfitojë më shumë nga Programi i Përfitimeve për Klubet i FIFA-s p...
BOTA
U hodh në lumë për të shpëtuar dy fëmijët, Mitsotakis i jep shqiptarit nënshtetësinë greke
PiranjatPërditësimi i fundit 17 Shtator 2025, 17:18
Ledian Goka, shqiptari në Greqi i cili u kthye në hero pasi u hodh në lumë për të shpëtuar dy fëmijë të vegjël ka marrë nënshtetësinë greke. Ka qenë personalisht kryeministri i Greqisë, Kyriakos Mitsotakis, ai i cili ia ka dorëzuar në duar Gokës nënshtetësinë dhe e ka falenderuar për aktin heroik.
Gjithashtu, kreu i qeverisë greke përmes një postimi në rrjetet sociale i ka shprehur publikisht mirënjohjen e tij dhe të popullit grek për aktin e ndërmarrë në qershor të këtij viti ku pa marrë parasysh rrezikun që i kanosej u hodh në lumë për të shpëtuar dy fëmijët.
“Ledian Goka në qershor të vitit 2025 rrezikoi jetën e tij për të shpëtuar nga mbytja dy fëmijë në ujërat e rrëmbyeshëm të lumit Arachthos. Një akt vetëmohimi që është një shembull i humanizmit dhe heroizmit. Sot atij iu dha nënshtetësia greke. E falenderojmë”, ka shkruar në Facebook Kryeministri Mitsotakis.
Kujtojmë se në qershor të këtij viti, Ledian Goka u hodh brenda në lumë duke nxjerrë nga uji dy të miturit, Kleon Fezollai 12 vjeç, dhe Spyros Kristofor 14 vjeç, të cilët ndërruan jetë pas 24 orëve qëndrimi në spital, ndërsa familjarët vendosën të dhuronin organet e tyre. Pavarësisht përpjekjes së tij, fatkeqësisht dy të miturit ndërruan jetë, ndërkohë që Goka vendosi që t’i “gdhende” për jetë ata në trupin e tij.
Shqiptari nga Berati bëri tatuazh në pjesën e shpinës portretet e dy të miturve si engjëj teksa i mban në krahë duke u munduar t’i nxjerrë nga uji. Pas kësaj Greqia ia dha nënshtetësinë greke Gokës, i cili prej 20 vitesh jeton në shtetin fqinj.
