Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
"Uroj të kesh të njëjtin fat si Martina", kërcënohet me jetë vajza e Giorgia Melonit! Kryeministrja italiane: Kjo nuk është një përplasje politike, është diçka më e errët dhe e sëmurë
r.llPërditësimi i fundit 31 Maj 2025, 16:59
girogia meloni
ITALI- Një person që pretendohet se është punonjës i Ministrisë së Arsimit dhe Meritës (MIM) në Itali, ka tronditur opinionin publik dhe qeverinë italiane me një postim që ka bërë në rrjetet sociale.
Ai ka ndarë një mesazh ku i uron vajzës së vogël të Melonit, 7 vjeçe, “të njëjtin fat si Martina Carbonaro”, një vajzë nga Afragola që u vra tragjikisht nga i dashuri i saj.
Ky postim u denoncua nga partia Fratelli d’Italia, e cila e cilësoi si një mesazh “të frikshëm dhe të papranueshëm”. Lidhur me këtë ka reaguar dhe vetë kryeministrja e Italisë, Giorgia Meloni.
“Kjo nuk është një përplasje politike. Nuk është as zemërim. Është diçka më e errët, që tregon për një klimë të sëmurë, një urrejtje ideologjike, në të cilën gjithçka duket e lejueshme, madje edhe dëshira për vdekjen e një fëmije, vetëm për të sulmuar një prind. Dhe kundër kësaj klime të dhunshme, politika, e gjithë ajo, duhet të dijë të bashkohet. Sepse ka kufij që nuk duhen kaluar kurrë. Dhe mbrojtja e këtyre kufijve është një përgjegjësi që shkon përtej çdo përkatësie”, u shpreh Meloni, duke mbledhur solidaritet nga e gjithë bota politike, nga e djathta në të majtë.
