Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
BOTA
Ursula von der Leyen mbërrin në Kiev me 3.5 miliardë euro ndihmë të re financiare për Ukrainën
n.fPërditësimi i fundit 24 Shkurt 2025, 09:37
UKRAINË- Presidentja e Komisionit Evropian, Ursula von der Leyen mbërriti sot në Kiev me tren me rastin e përvjetorit të tretë të fillimit të luftës së Rusisë kundër Ukrainës. Vizita e nëntë e Ursula von der Leyen në Kiev që nga fillimi i pushtimit në shkallë të plotë për t'u takuar me Volodymyr Zelenskyy vjen në mes të përpjekjeve të SHBA për të negociuar përfundimin e luftës në mënyrë dypalëshe me Rusinë.
Presidentja e Komisionit Evropian pritet të zbulojë një paketë ndihme financiare prej 3.5 miliardë eurosh për Ukrainën për të lehtësuar blerjen e pajisjeve ushtarake nga industria e saj vendase. 3.5 miliardë euro është një paradhënie për një fond më të madh ndihme prej 50 miliardë eurosh që Bashkimi Evropian krijoi në fillim të vitit 2024. Ndërsa Brukseli ka arritur të mbulojë nevojat financiare të Ukrainës për të gjithë vitin, furnizimi me armatim pas verës mbetet i pasigurt.
“Ne duhet të përshpejtojmë dërgimin e menjëhershëm të armëve dhe municioneve. Dhe kjo do të jetë në qendër të punës sonë në javët e ardhshme”, i tha Von der Leyen një grupi mediash, në rrugën e saj për në qytet.
Ajo shtoi se besojnë në një Ukrainë të lirë dhe sovrane në rrugën e saj drejt Bashkimit Evropian. Von der Leyen do të shpallë gjithashtu një nismë për të integruar Ukrainën dhe Moldavinë në tregun e energjisë elektrike të bllokut deri në fund të vitit.
