Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Ushtria Çlirimtare e Balochistanit hap zjarr ndaj trenit me 400 pasagjerë në Pakistan, merren peng disa persona
n.fPërditësimi i fundit 11 Mars 2025, 14:33
PAKISTAN- Anëtarët e Ushtrisë Çlirimtare të Balochistanit, BLA ditën e sotme kanë hapur zjarr në një tren pasagjerësh në Pakistanin jugperëndimor. Raportohet se nga të shtënat u plagos shoferi i trenit dhe duke shkaktuar panik midis pasagjerëve.
Në tren bëhet me dije se ishin 400 pasagjerë në nëntë vagonë dhe po shkonte nga Quetta në Peshaëar në provincën Khyber Pakhtunkhwa kur sulmuar. Autoritetet nuk kanë dhënë ende detaje mbi shkallën e dëmit apo nëse janë raportuar lëndime të tjera mes pasagjerëve.
Ushtria Çlirimtare e Balochistanit mori përgjegjësinë për sulmin. Në një deklaratë, BLA gjithashtu pretendoi se kishte marrë pengje nga treni, duke përfshirë personelin e sigurisë. Sipas raporteve të mediave lokale, grupi pretendoi se gjashtë ushtarë u vranë në sulm, ndërsa shtoi se qindra pasagjerë po mbaheshin robër.
BLA kërcënoi se do t'i ekzekutonte të gjithë pengjet nëse Pakistani do të përpiqej të nisë një operacion shpëtimi ushtarak. Forcat qeveritare të sigurisë janë dërguar në zonë dhe një hetim për sulmin është duke u zhvilluar. Në të njëjtën kohë, qeveria e Balochistanit ka vendosur masa emergjente dhe të gjitha institucionet janë mobilizuar për t'u marrë me situatën, tha zëdhënësi i qeverisë Shahid Reed.
