Presidenti i Federatës Palestineze të Futbollit, Jibril Rajoub, ka deklaruar se nuk ka marrë vizë për të hyrë në Shtet...
BOTA
VIDEO/ Çfarë ndodhi në Beograd? Makina futet mes protestës së studentëve, plagoset një 90-vjeçar
PiranjatPërditësimi i fundit 14 Maj 2026, 18:51
Një incident i rëndë ka nodhur ditën e sotme në Serbi, ku një automjet është futur mes një proteste studentore pranë Fakultetit të Drejtësisë në Beograd. Si pasojë e përplasjes, një 90-vjeçar ka mbetur i plagosur. Konkretisht, gjatë protestës qytetarët po mbanin 16 minuta heshtje në kujtim të viktimave të tragjedisë në stacionin hekurudhor të Novi Sad në vitin 2024.
Sipas mediave serbe, shoferi tentoi të kalonte me forcë mes turmës, por u ndal nga protestuesit. Incidenti nuk ka përfunduar me kaq, pasi shoferi ka dalë nga makina dhe ka sulmuar disa prej pjesëmarrësve në protestë.
Më pas, drejtuesi i mjetit ka hirpur sërish në automjet dhe bëri marsh pas, duke përplasur një të moshuar rreth 90 vjeç dhe duke tentuar të largohej nga vendi i ngjarjes.
Studentët deklaruan në rrjetet sociale se një student i Fakultetit të Drejtësisë u godit fizikisht nga shoferi gjatë përplasjes. Gjithashtu në zonë ndodheshin forca të shumta policie, të cilat sipas protestuesve fillimisht nuk ndërhynë.
Policia reagoi vetëm pasi u plagos i moshuari, duke arrestuar autorin. Ndërsa i plagosuri u transportua me ambulancë në spital, pasi ka pësuar frakturë në kofshë.
????Током 16 минута тишине је дошло до инцидента у којем је возач аутомобила регистарских таблица BG1070SV најпре ошамарио једног студента, а потом колима ударио човека старог скоро 90 година који је стајао на раскрсници током одавања поште. pic.twitter.com/CeENvkdvJP
