Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
VIDEO/ Infermieret heroina në Kinë, rrezikojnë jetën e tyre për të mbrojtur bebet e porsalindura gjatë tërmetit tragjik në Mianmar
r.llPërditësimi i fundit 30 Mars 2025, 13:24
infermieret
MIANMAR- Të paktën 1,644 njerëz kanë vdekur dhe më shumë se 3,400 janë lënduar pas një tërmeti të fuqishëm me magnitudë 7.7 që goditi Mianmarin të premten. Lëkundjet e tërmetit u ndjenë në disa vende fqinje, duke përfshirë Tajlandën, Kinën, Indinë, Vietnamin dhe Bangladeshin. Mes shkatërrimit, pamjet e kamerave të sigurisë nga një spital në Yunnan të Kinës tregojnë dy infermiere të maternitetit që rrezikojnë jetën e tyre për të mbrojtur bebet e porsalindura, ndërsa tërmeti tronditi fuqishëm objektin.
Videoja, e shpërndarë tani gjerësisht në mediat sociale, tregon një repart të mbushur me krevate që mbanin foshnjat kur filluan dridhjet. Lëkundjet e forta bënë që shtretërit me rrota të rrotulloheshin në mënyrë të pakontrolluar nëpër dhomë. Një infermiere, e ulur në dysheme duke përqafuar një foshnjë, instinktivisht kapi një prej tyre për të ndaluar që të përplasej. Infermierja e dytë, që qëndronte afër, lëvizi me shpejtësi drejt dy krevateve të tjerë që po lëkundenin.
Ndërsa dridhjet e tokës intensifikoheshin, një bidon që mbante ujë u derdh në të gjithë dyshemenë. Infermieret u përpoqën të ruanin ekuilibrin e tyre në dyshemenë e lagur, ndërsa u siguruan që foshnjat të mbeten të padëmtuara. Infermierja e parë, e tërhequr zvarrë nëpër dysheme nga forca e dridhjeve, e shtrëngoi fort foshnjën ndërsa përdorte krahun tjetër për të ndaluar krevatet që të përplaseshin me njëri-tjetrin.
