“Nuk jeni vetëm”, kanë qenë këto thirrjet e protestuesve ndërsa kanë mbërritur te Blloku i Sigurisë, në...
BOTA
VIDEO nga momenti i arrestimit/ Burri 29-vjeçar rreh nënën për më shumë se një orë derisa e vr*t
PiranjatPërditësimi i fundit 2 Shtator 2026, 20:09
Rasti i një burri 29-vjeçar nga Pensilvania, i cili rrahu për vdekje nënën e tij në një sulm që dyshohet se zgjati më shumë se një orë dhe u filmua nga kamerat e sigurisë, ka shkaktuar tronditje në Shtetet e Bashkuara.
Incidenti ndodhi mëngjesin e së dielës, më 30 gusht, në shtëpinë e 53-vjeçares Christine Hamilton, në Sewickley Township, në Qarkun Westmoreland. Sipas Policisë së Shtetit të Pensilvanisë, vajza e gruas e gjeti nënën e saj të vdekur jashtë banesës rreth orës 09:00.
Autoritetet thanë se një kamer sigurie, e vendosur në pjesën e përparme të shtëpisë, filmoi sulmin dhe identifikoi djalin 29-vjeçar të viktimës, Jacob Korber, si autorin e dyshuar të krimit.
Sipas hetuesve, Korber e sulmoi nënën e tij me duar dhe këmbë, si dhe duke përdorur objekte të ndryshme që ndodheshin në verandën e shtëpisë.
Sipas autoriteteve, 53-vjeçarja sapo kishte dalë nga dushi dhe ishte mbështjellë me një peshqir kur 29-vjeçari mbërriti në banesë. Djali iu afrua nënës së tij dhe më pas nisi sulmi, i cili, sipas policisë, zgjati për më shumë se një orë.
Oficeri i policisë Steve Limani e përshkroi rastin si veçanërisht të tmerrshëm, duke vënë në dukje se gruaja iu nënshtrua një sulmi të zgjatur dhe se autori nuk u ndal. Pas sulmit, Korber dyshohet se ndërroi rrobat dhe u largua nga vendi i ngjarjes, ndërsa, sipas autoriteteve, fjeti në një fushë aty pranë.
Motra e tij, e cila ndodhej brenda në shtëpi, ishte ajo që gjeti nënën e tyre të vdekur dhe njoftoi autoritetet. Policia nisi menjëherë kërkimet për 29-vjeçarin.
Korber u pa më vonë, rreth orës 17:00, në një rrugë pranë shtëpisë së nënës së tij. Arrestimi i tij madje u filmua nga një ekip televiziv që ndodhej në zonë dhe po transmetonte drejtpërdrejt nga vendi i ngjarjes. 29-vjeçari iu afrua oficerëve të policisë dhe, sapo kuptoi praninë e tyre, u gjunjëzua dhe ngriti duart.
Ai u arrestua pa bërë rezistencë. Gjatë marrjes në pyetje nga policia, Korber dyshohet se pranoi atë që kishte bërë. Autoritetet thanë se, gjatë marrjes në pyetje, ai shfaqi njëfarë pendese për veprimet e tij. Jacob Korber u arrestua dhe përballet me akuzën për vrasje. Ai mbahet në burgun e Qarkut Westmoreland, pa mundësi lirimi me kusht, ndërsa seanca paraprake është caktuar për 14 shtator. /PiranjatNews/
Banka qendrore holandeze, DNB, ka zhvendosur 86 ton rezerva ari nga Shtetet e Bashkuara dhe Kanadaja drejt Londrës, duke e lidhur vendimin me rritjen e &ld...
