Kryeministri Edi Rama ka përsëritur thirrjen e tij për dialog me protestuesit, duke zgjedhur një formë simbolike për të p&e...
BOTA
VIDEO/ Përplasja e fortë shkatërron Ferrarin prej 120 mijë paund me “Barbien” brenda
PiranjatPërditësimi i fundit 12 Qershor 2026, 22:51
Ky është momenti kur Ferrari rozë i vetëm në Britani, me vlerë 120 mijë paund, fluturon pas një aksidenti, duke dalë nga rruga, duke kapërcyer trotuarin dhe duke përfunduar në shkurre.
Pronarja e fiksuar pas personazhit Barbie, Lisa-Marie Brown, është e zemëruar pasi makina është shkatërruar plotësisht pas aksidentit dhe kompanitë e sigurimit refuzojnë t’i paguajnë dëmshpërblimin.
Ajo po drejtonte makinën e saj më të dashur – një Ferrari California – nëpër një kryqëzim në Cardiff, kur u përplas me një automjet tjetër në gusht të vitit 2023. 45-vjeçarja, e cila përdor supermakinën për aktivitete promovuese, thotë se mbeti e plagosur rëndë dhe humbi burimin e saj të të ardhurave.
Por kompania e sigurimeve Admiral Insurance ka refuzuar të mbulojë kostot e riparimit të automjetit unik, duke pretenduar se Ferrari i Lisa-Marie nuk kishte kontroll teknik të detyrueshëm në Britani.
Lisa-Marie, e cila shihet shpesh e veshur me një bluzë rozë të stilit Barbie, që përputhet me flokët dhe makinën e saj rozë, po udhëtonte me një shpejtësi rreth 48–64 km/orë. Një video tronditëse tregon momentin kur dy automjetet përplasen. Ferrari i saj doli me forcë nga rruga, kaloi mbi trotuar, përplasi një tabelë rrugore dhe përfundoi në shkurre.
Vetëm pak çaste më parë, në video shihet një çiklist që kalon përgjatë trotuarit. Më pas, kalimtarët dhe dëshmitarët e ngjarjes mblidhen rreth supermakinës rozë për të parë dëmet e shkaktuara.
Pamjet e filmuara nga një kënd tjetër tregojnë se automjeti tjetër ndryshon korsinë në momentin e fundit dhe përgatitet të kthehet djathtas, duke kaluar përmes dy korsive me qarkullim në drejtim të kundërt. /PiranjatNews/
