Mbahet sot në orën 18:00 protesta e pestë e qytetarëve kundër projektit të ndërtimit të resortit në zonën e ...
BOTA
VIDEO/ Problemet nuk kanë fund për kompanin "Boeing", avioni i mallrave përplaset në pistën gjatë uljes në Turqi
n.fPërditësimi i fundit 8 Maj 2024, 13:58
Aksidenti
TURQI- Një aeroplan mallrash tipi "Boeing 767" është përplasur në pistën e një aeroporti në Turqi, pasi rrotat e përparme nuk funksionuan. Fluturimi ishte realizuar nga kompania postare amerikane FedEx që po udhëtonte nga aeroporti i Parisit, Charles de Gaulle dhe për destinacion kishte Stambollin, kur edhe piloti vërejti se rrotat e përparme për ulje nuk po funksionin.
Pamjet e publikuara momentin kur aeroplani bën ulje emergjente, dhe përplase me hundën e fluturakes në pistën e aeroportit turk. Si pasojë e përplasjes, aeroplani fillon të nxjerrë shkëndija zjarri si dhe tym të bardhë. Megjithatë kamionët e zjarrfikësve intervenojnë shpejtë për të parandaluar më të keqen.
Për fat të mirë askush që gjendej brenda kabinës nuk ka pësuar lëndime, dhe aeroplani me mallra është ndalur pavarësisht sfidave të shumta që i kishte pasur piloti. Ekipet e shpëtimit dhe zjarrfikësve të aeroportit ishin në gatishmëri në pistë dhe nuk kishte të lënduar, sipas deklaratës, e cila nuk specifikoi shkakun e dëmit. Pista u mbyll përkohësisht për trafikun, por lëvizja e avionëve në pistat e mbetura të aeroportit ndërkombëtar vazhdoi normalisht.
Kompania kohët e fundit vendosi të ristrukturojë menaxhimin e saj pasi po përballet me një krizë të rëndë për shkak të një sërë problemesh të cilësisë, sigurisë dhe prodhimit dhe presionit të shtuar nga linjat ajrore, rregullatorët dhe investitorët pas shpërthimit në ajër të një paneli dere në një avion 737 MAX . Dy ish-punonjës të Boeing, të cilët ngritën "shqetësime" për problemet e cilësisë dhe sigurisë në linjën e prodhimit, janë gjetur të vdekur javët e fundit.
Në mesin e marsit, John Barnett, një punonjës 32-vjeçar i Boeing, i cili u përpoq të nxjerrë në pah problemet e prodhimit përpara se të largohej nga kompania në 2017, u gjet i vdekur në Karolinën e Jugut, John Barnett kishte folur për mediat pas incidentit të shpërthimit të panelit në Boeing 737 MAX 9 që e detyroi avionin të bënte një ulje emergjente. John Barnett u gjet i vdekur nga lëndimet e vetëshkaktuara, thanë autoritetet, duke përmendur vetëvrasjen. Avokati i tij tha se ai ishte planifikuar të dëshmonte në një proces gjyqësor që përfshin 787 Dreamliner.
Disa javë më vonë, më 2 maj, 45-vjeçari Joshua Dean , një ish-inspektor i cilësisë në Spirit AeroSystems, një furnizues i Boeing, vdiq nga një infeksion i papritur dhe me zhvillim të shpejtë. Ai ishte një nga sinjalizuesit e parë që pretendoi se menaxhmenti i Spirit AeroSystems injoroi defektet e prodhimit të 737 MAX.
Joshua Dean kishte dëshmuar në një padi të aksionerëve të Spirit dhe gjithashtu kishte paraqitur një ankesë në Administratën Federale të Aviacionit duke pretenduar "shkelje serioze dhe skandaloze të linjës së prodhimit 737 nga zyrtarë të lartë të kontrollit të cilësisë" në Spirit. Spirit shkarkoi Deanin në prill 2023 dhe kishte paraqitur një ankesë në Departamentin e Punës duke pretenduar se shkarkimi i tij ishte në hakmarrje për ankesat e tij
