Demokratët Europianë kanë reaguar për protestën qytetare që zhvillohet prej më shumë se dy muajsh në Tiranë, d...
BOTA
VIDEO/ Thatësira ekstreme kërcënon centralet bërthamore, Rumania shpërthime në Danub për furnizimin me ujë për reaktorët
PiranjatPërditësimi i fundit 3 Gusht 2026, 16:00
Thatësira e zgjatur dhe temperaturat ekstreme që kanë goditur Europën po krijojnë probleme serioze edhe për prodhimin e energjisë. Autoritetet rumune kryen këtë të hënë një shpërthim të kontrolluar në lumin Danub, me qëllim devijimin e ujit drejt reaktorit të vetëm bërthamor që vijon të jetë në funksion në vend.
Operacioni u realizua nga Marina Rumune, e cila përdori rreth 180 kilogramë eksploziv për të shembur një formacion shkëmbor dhe për të rritur prurjet e ujit drejt kanalit që furnizon centralin bërthamor të Cernavodës. Pamjet nga vendi i ngjarjes treguan kolona të mëdha uji që u ngritën në ajër gjatë shpërthimit.
Nivelet rekord të ulëta të Danubit kanë detyruar Rumaninë dhe Hungarinë të reduktojnë prodhimin e energjisë në centralet e tyre bërthamore, të cilat përdorin ujin e lumit për ftohjen e reaktorëve. Si pasojë, të dy vendet janë detyruar të mbulojnë një pjesë të nevojave për energji përmes importeve, ndërsa vala e të nxehtit ka rritur ndjeshëm konsumin.
Në Hungari, autoritetet njoftuan se centrali bërthamor Paks, me kapacitet 2 gigavat dhe që zakonisht siguron rreth gjysmën e energjisë elektrike të vendit, do të mund të vazhdojë të funksionojë edhe për një ose dy ditë të tjera, duke shmangur përkohësisht një mbyllje të plotë. Aktualisht, centrali po punon me pak më shumë se 10% të kapacitetit të tij, për shkak të nivelit historikisht të ulët të Danubit.
Kryeministri hungarez, Péter Magyar, e cilësoi këtë një zhvillim pozitiv, pasi shmang ndërprerjen e plotë të prodhimit në një periudhë me kërkesë të lartë për energji elektrike. Në Rumani, kompania shtetërore Nuclearelectrica, e cila mbulon rreth 20% të prodhimit kombëtar të energjisë, u detyrua javën e kaluar të ndalojë një nga dy reaktorët e centralit të Cernavodës. Ekspertët besojnë se shpërthimi në Danub do të mundësojë ndërtimin e një dige të përkohshme, e cila do të devijojë më shumë ujë drejt kanalit që furnizon reaktorin e mbetur në funksion.
Sipas Marinës Rumune, punimet për devijimin e ujit pritet të përfundojnë deri të mërkurën. Ministri rumun i Mbrojtjes, Radu Miruta, deklaroi se çdo ditë shtesë funksionimi i centralit sjell përfitime ekonomike shumë më të mëdha se kostoja e operacionit.
Ndërkohë, për të lehtësuar presionin mbi rrjetin energjetik, qeveria rumune njoftoi se fabrikat e automjeteve Dacia dhe Ford do të pezullojnë përkohësisht prodhimin deri më 19 gusht, duke ulur konsumin e energjisë me rreth 200 megavat.
Edhe në Hungari janë marrë masa për kursimin e energjisë. Sipas autoriteteve, familjet dhe bizneset kanë ulur vullnetarisht konsumin pas thirrjes së qeverisë, ndërsa kompani të mëdha, si gjiganti farmaceutik Richter, kanë njoftuar reduktim të ndjeshëm të konsumit dhe shtim të furnizimit me energji nga burimet fotovoltaike.
W Rumunii wojsko wysadziło część skały, aby zwiększyć przepływ wody w Dunaju. Celem kontrolowanej eksplozji było utrzymanie dostaw wody do Elektrowni Jądrowej Cernavodă i zapobieżenie wyłączeniu jednego z reaktorów.
