Senati amerikan ka miratuar me një diferencë të ngushtë votash emërimin e Todd Blanche, ish-avokatit mbrojtës të Presidenti...
BOTA
VIDEO tronditëse/ Momenti kur nxënësi hap zjarr dhe përhap vdekjen brenda shkollës
PiranjatPërditësimi i fundit 8 Gusht 2026, 16:12
Publikohet një video e re tronditëse nga kamerat e sigurisë brenda një shkolle në periferi të Bangkokut, ku mëngjesin e së premtes (7/8), një nxënës 14-vjeçar hapi zjarr dhe vrau pesë mësues, ndërsa më herët, sipas autoriteteve, kishte vrarë edhe gjyshërit e tij në shtëpinë e tyre.
Nga sulmi me armë mbetën të plagosur më shumë se 20 persona, 10 prej të cilëve ndodhen në gjendje kritike në spital. Numri i viktimave ka shkuar sot në nëntë, pasi, sipas njoftimit të Policisë, një vajzë 12-vjeçare ndërroi jetë si pasojë e plagëve të marra.
Sipas informacioneve të BBC, objektivat kryesorë të 14-vjeçarit ishin mësuesit e shkollës, pasi mes viktimave nuk ka nxënës. Sulmi i armatosur zgjati rreth një orë, përpara se i mituri të qëllonte veten me armë. Ai u transportua i plagosur drejt spitalit, por ndërroi jetë gjatë rrugës.
Në pamjet e kamerave të sigurisë së shkollës, autori i mitur shihet duke dalë nga një klasë, ndërsa në sfond dëgjohen të shtëna armësh. Më pas, ai ecën i armatosur në korridorin e shkollës dhe qëllon ndaj njerëzve. Në fund, ai shihet duke vrapuar me armën në dorë dhe largohet nga pamjet.
Sulmi ndodhi pak pas orës 10:00 të mëngjesit të së premtes, sipas orës lokale, në shkollën Debsirin Nonthaburi, e cila ndodhet në një zonë të madhe urbane, rezidenciale dhe tregtare në veri të Bangkokut.
Fillimisht vrau gjyshërit në shtëpi
Hetimet e autoriteteve zbuluan se 14-vjeçari jetonte së bashku me gjyshërit e tij, të cilët u gjetën të vdekur në shtëpinë e tyre. Autoritetet dyshojnë se nxënësi i vrau ata përpara se të shkonte në shkollë dhe të hapte zjarr ndaj mësuesve.
Sipas Policisë, pistoleta 9 mm që përdori i përkiste gjyshit të tij. Në posedim të 14-vjeçarit u gjetën gjithashtu të paktën 34 fishekë shtesë.
Deri më tani, nuk është bërë i ditur motivi pas sulmit të armatosur, ndërsa autoritetet vijojnë hetimet për të zbardhur se çfarë e shtyu nxënësin drejt këtij masakri.
“Ishte djalë i mirë dhe nxënës i mirë”, thotë një mësues i shkollës
Zëvendësministri i Brendshëm i Tajlandës, Polapi Suançaui, publikoi më shumë detaje për 14-vjeçarin, duke bërë të ditur se, bazuar në të dhënat që policia mblodhi nga shtëpia e tij, ai ishte një gamer i apasionuar. Megjithatë, një mësues shkolle dha një pamje të ndryshme të nxënësit, duke e përshkruar atë si " një fëmijë të mirë me performancë të mirë akademike ". Sipas tij, 14-vjeçari nuk njihej në mjedisin shkollor për sjellje agresive. /PiranjatNews/
GRAPHIC: A 14-year-old killed 5 teachers and wounded over 30 at a school in Bang Kruai, Thailand. He shot his grandparents at home beforehand, then turned the gun on himself. pic.twitter.com/9YYd49CwXn
