Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
Vrasja makabër e modeles zviceriane/ Zbardhen detaje të reja: Ajo kërkoi divorcin, por kishte frikë prej tij
E.DPërditësimi i fundit 13 Shtator 2024, 20:48
ZVICËR- Detaje të reja janë zbuluar në lidhje me vrsajen e modeles zviceriane, Kristina Joksimoviç nga bashkëshorti i saj, biznesmeni Thomas. Siç raportohet modelja kishte kërkuar divorcin prej bashkëshortit të saj pasi ai e dhunonte. Ata prej muajsh kishin probleme të shumta me njëri-tjetrin madje, modelja e kishte denoncuar atë më parë për dhunë. Një nga miqtë tha se ajo kërkoi divorcin, por ishte e frikësuar prej tij.
“Ajo kërkoi divorcin, por kishte frikë prej tij”, tha miku i saj.
Ndërkohë policia dyshon se arsyeja e vrasjes është xhelozia. Viktima, ka postuar për herë të fundit një foto në Instagram së bashku me 41-vjeçarin Thomas dhe dy fëmijët e tyre, ku ka shkruar: Bota ime!
Ky postim bëri që shumë pak njerëz të dyshonin në problemet e vërteta mes çiftit dhe miqtë menduan se gjërat mes tyre tashmë ishin në rregull. Sipas raportit mjeko-ligjor, Christina fillimisht është mbytur dhe më pas trupi i saj është copëtuar me një sharrë. Biznesmeni u përpoq të fshinte gjurmët nga krimi makabër duke futur pjesët e trupit në një blendër. Ai është djali i një avokati të njohur në Berna dhe ka firmën e tij konsulente.
41-vjeçari e pranoi se vrau gruan e tij dhe depozitoi një kërkesë për t’u lënë i lirë. Kërkesa e tij u refuzua nga Gjykata e Lozanës dhe dyshohet se ai ka çregullime mendore. Sipas hetimeve, Thomas, gjithashtu rezulton se ka dhunuar partneret e tij të mëparshme. Çifti jetonte në një rezidencë luksoze në Bazel me dy vajzat e tyre të vogla. Kristina, me origjinë nga Benningen, me origjinë serbe, kishte hequr dorë nga modelingu për t'u përqendruar në gjetjen dhe frymëzimin e modeleve të gjeneratës së re. Ajo gjithashtu u jepte mësim kandidateve të konkursit Miss Zvicra të ndiqnin hapat e saj.
