Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
Zbulohen varreza vikingësh në Danimarkë, 50 skeletët janë ruajtur mirë për shkak të lagështisë së tokës
n.fPërditësimi i fundit 15 Tetor 2024, 17:48
Varr
DANIMARKË- Arkeologët në Danimarkë kanë zbuluar një varrezë që përmban 50 skelete të ruajtura mirë nga epoka e vikingëve. Varreza prej 2000 metrash katrorë u gjetën gjatë punimeve të ndërtimit të infrastrukturës në fshatin Aasum pranë qytetit të tretë më të madh të Danimarkës, Odense. Skeletet, i përkasin burrave, grave dhe fëmijëve. Përveç skeleteve ka edhe disa trupa të djegur.
Ekspertët thonë se nivelet e larta të ujit në tokë kanë kontribuar që skeletet të ruhen mirë, me arkeologët që shpresojnë se do të jenë në gjendje të kryejnë teste të ADN-së. Ata besojnë se analiza e ADN-së mund të zbulojë detaje rreth jetës së tyre, si dhe aspekte të tjera të jetës së përditshme gjatë epokës së vikingëve, të tilla si farefisnia, modelet e migrimit dhe më shumë.
Michael Bore Ludo, kreu i ekspeditës arkeologjike gjashtëmujore, e quajti zbulimin "të mahnitshëm" sepse skeletet janë "shumë mirë të ruajtur". Në mënyrë tipike, Bore Ludo tha se arkeologët do të ishin me fat të gjenin disa dhëmbë në varre, por tani kemi skelete të tëra. Ai beson se analizat e ADN-së mund të tregojnë nëse kanë qenë të afërm apo nga kanë ardhur.
Shkencëtarët vlerësojnë se ndoshta ishte një vendbanim i një komunitet bujqësor, thotë Bore Ludo. Kjo do të thotë se gjetjet nuk i përkasin vikingëve që ishin frika dhe tmerri i Evropës nga viti 793 deri në 1066 para Krishtit. Vikingët kryen bastisje të mëdha, koloni dhe udhëtuan deri në Amerikën e Veriut. Në një varr, një grua është varrosur në një karrocë - pjesa e sipërme e një karroce vikinge e përdorur si arkivol - duke sugjeruar se ajo i përkiste "pjesës më të lartë të shoqërisë", siç thotë Ludo.
Së bashku me mbetjet njerëzore, arkeologët zbuluan kunja, rruaza gjerdan, thika dhe madje edhe një copë të vogël xhami. Nga dizenjot në kunja vlerësohet se të vdekurit janë varrosur midis viteve 850 dhe 900 pas Krishtit.
Konservatori Jani Amsgaard Ebsen shpreson se toka mund të përmbajë gjithashtu materiale të tjera organike të ruajtura në pjesën e pasme të kunjave ose dorezave të thikës. Arkeologët thanë se shumë prej objekteve erdhën nga shumë përtej kufijve të Danimarkës, duke hedhur dritë mbi rrugët e gjera tregtare të vikingëve gjatë shekullit të 10-të.
