Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
BOTA
Zelenskyy: Ukraina ka pak shanse për të mbijetuar pa mbështetjen e SHBA
E.DPërditësimi i fundit 15 Shkurt 2025, 07:31
UKRAINË- President ukrainas Volodymir Zelenskyy gjatë një interviste për NBC tha se Ukraina ka pak shanse për t'i mbijetuar një lufte me Rusinë pa mbështetjen e SHBA-së. Presidenti ukrainas foli gjithashtu për shqetësimin e tij se Ukraina do të ishte e ndjeshme ndaj një sulmi tjetër të madh nga Rusia në të ardhmen nëse SHBA nuk vazhdon të ofrojë mbështetje ushtarake.
“Me siguri do të jetë shumë, shumë, shumë e vështirë. Sigurisht, në çdo situatë të vështirë ka shpresë. Por ne do të kemi pak shanse për të mbijetuar pa mbështetjen e SHBA-së. Nuk dua të mendoj” për të luftuar kundër Rusisë pa mbështetjen amerikane. Nuk dua të besoj se nuk do të jemi partnerë strategjikë”, tha Zelenskyy.
Zelensky tha se presidenti rus Vladimir Putin dëshiron të vijë në tryezën e bisedimeve jo për t'i dhënë fund luftës, por për të arritur një marrëveshje armëpushimi që do të heqë disa sanksione ndërkombëtare ndaj Rusisë dhe do të lejojë ushtrinë e saj të rigrupohet.
"Kjo është me të vërtetë ajo që ai dëshiron. Ai dëshiron një pauzë, përgatitje, stërvitje, heqjen e disa sanksioneve, për shkak të një armëpushimi e kështu me radhë," tha Zelensky.
Pak ditë para përvjetorit të tretë të fillimit të pushtimit rus të Ukrainës, presidenti amerikan Donald Trump foli me telefon me homologun e tij rus Vladimir Putin dhe ata ranë dakord të fillonin menjëherë negociatat me qëllim përfundimin e luftës.
