Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Zgjedhjet në Kanada/ Von der Leyen dhe Starmer përgëzojnë kryeministrin kanadez Carney: Marrëdhëniet tona po forcohen!
E.DPërditësimi i fundit 29 Prill 2025, 10:02
KANADA- Presidentja e Komisionit Evropian Ursula von der Leyen, duke përgëzuar kryeministrin kanadez Mark Carney për fitoren e tij në zgjedhje tha se lidhjet midis Evropës dhe Kanadasë janë të forta dhe po bëhen gjithnjë e më të forta.
"Jam i paduruar që ne të punojmë në bashkëpunim të ngushtë, si në nivel dypalësh ashtu edhe brenda G7-ës. Ne do të mbrojmë vlerat tona të përbashkëta demokratike, do të inkurajojmë multilateralizmin dhe do të bëhemi kampionë të tregtisë së lirë dhe të ndershme”, tha von der Leyen në një mesazh të publikuar nëpërmjet X.
Ndërsa kryeministri britanik Keir Starmer gjithashtu uroi homologun e tij kanadez Mark Carney për fitoren e tij në zgjedhje sot, duke shprehur gëzimin e tij për faktin se marrëdhëniet po forcohen midis Mbretërisë së Bashkuar dhe Kanadasë, dy vende që janë aleatët, partnerët dhe miqtë më të ngushtë.
"Partneriteti ynë bazohet në një histori dhe vlera të përbashkëta, me një sovran të përbashkët (red.: Charles III) dhe jam i kënaqur që marrëdhënia jonë po forcohet. E mirëpres udhëheqjen tuaj në çështjet ndërkombëtare dhe e di se do të vazhdojmë të punojmë ngushtë në mbrojtje, siguri, tregti dhe investime”, tha Keir Starmer pas fitores në zgjedhjet parlamentare kanadeze të Partisë Liberale të Mark Carney.
