Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Zjarr në azilin serb, i moshuari i vë flakën dyshekut, humbin jetën 8 persona, plagosen 7 të tjerë
b.zPërditësimi i fundit 20 Janar 2025, 09:32
Pamje nga azili
SERBI - Një ngjarje e rëndë raportohet të ketë ndodhur në Serbi, në shtëpinë e të moshuarve në Veliki Bork afër Barajevës. Një i moshuar në rrethana ende të paqarta dyshohet se i ka vënë flakën dyshekut ku flinte dhe si pasojë zjarri ka përfshirë gjithë katin e godinës.
Ngjarja është regjistruar në orët e para të mëngjesit të sotëm, dhe sipas mediave serbe si pasojë e zjarrit kanë humbur jetën 8 persona dhe janë plagosur shtatë të tjerë, ndërsa janë evakuar personat e tjerë që ndodheshin në godinë.
Sipas raportimeve zjarri është shuar, ndërsa në shuarje kanë marrë pjesë një numër i madh i zjarrfikësve dhe makinave zjarrfikëse.
Ministri i Punës, Veteranëve dhe Çështjeve Sociale Nemanja Staroviç tha për mediat vendase, se sipas të dhënave të para paraprake, ka indikacione se zjarri ishte zjarrvënie e qëllimshme nga i moshuari, ndërsa po punohet për zbardhjen e plotë të rrethanave të ngjarjes.
Siç shtoi ai, Shtëpia e të Moshuarve “Ivanoviç” kishte licencë të vlefshme dhe të gjitha kushtet e nevojshme për mbrojtje nga zjarri. Ai theksoi se është siguruar strehim urgjent për të evakuuarit. Staroviç shprehu ngushëllimet e tij për familjet e viktimave.
