Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
SOCIALE
35 këngë për albumin e ri/ Post Malone tregon se ësht drejt publikimit të materialit të ri
m.lPërditësimi i fundit 15 Prill 2025, 07:58
SHBA- Post Malone është duke përgatitur albumin e tij të radhës dhe siç ka treguar ai, fansat e tij nuk do të duhet të presin gjatë. Artisti tashmë është në studio duke punuar intensivisht për materialin e ri, pasi ka shkruar rreth 35 këngë për albumin e tij të ardhshëm.
Në një deklaratë për Billboard, Post Malone shprehu entuziazmin e tij për projektin e ri, i cili lindi përmes takimeve krijuese me ekipin e tij në Nashville.
"Sa herë që jemi atje, kalojmë mirë. Ne ulemi, flasim dhe bëjmë këngë. Dhe unë jam tashmë shumë i emocionuar për albumin e ri," tha ai.
Ndonëse nuk ka në plan të rezantojë materiale të reja në Coachella, ku po shfaqet si titullar, ai tha se është në një fazë të avancuar me këngët, pasi grupi i tij tashmë ka incizuar jo pak, ndërkohë që është duke punuar për vokalin e ashpër.
“Zakonisht nuk mund të duroj të dëgjoj muzikën time, por kur dëgjoj grupin duke luajtur, emocionohem”, pranoi ai.
Post Malone theksoi se publikimi i muzikës së re është afër, duke thënë: Shpresojmë që muzika të dalë shumë, shumë shpejt.
Albumi i tij i ri pritet të pasojë albumin F-1 Trillion, i cili u publikua në vitin 2024, ndërsa pas performancave të tij në Coachella, artisti do të nisë një turne në SHBA me titull “Big Ass World Tour”, i shoqëruar nga Jelly Roll.
