Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
"Ai është një baba i mrekullueshëm"/ U bënë prindër për herë të parë, si ka ndryshuar jeta e Justin dhe Hailey Bieber?
S.BPërditësimi i fundit 26 Gusht 2024, 10:35
Justin dhe Hailey
SHBA- Këngëtari i njohur Justin Bieber thuhet se ka gjetur “qëllimin” e tij si baba. Disa ditë pasi këngëtari dhe gruaja e tij Hailey Bieber konfirmuan ardhjen në jetë të djalit të tyre, Jack Blues, ‘People’ raportoi se ylli i popit është "tashmë një baba i mrekullueshëm" për të porsalindurin.
“Justin dhe Hailey janë të dy të gëzuar”, tha një burim për gazetën të dielën. “Fëmija është një mrekulli. Ai është i adhurueshëm dhe është mirë. Hailey ndodhet në një gjendje të mirë gjithashtu.”
Burimi shtoi se çifti i cili u martua në shtator 2018, ishte lutur prej kohësh që të krijonin familjen e tyre.
“Shtatzënia ishte diçka që ata e kërkuan shumë”, tha burimi. “Dita kur mësuan se Hailey ishte shtatzënë ishte dita më e veçantë për Justin. Ai ishte mbi re nga emocionet. Ishte një festë e madhe për ta.”
Fituesi i Grammy-t, 30 vjeç, ndau lajmin e lindjes së djalit të tij të premten.
“MIRË SE VJEN NË SHTËPI… JACK BLUES BIEBER”, shkroi Justin krahas një fotoje të këmbës së të voglit. Emri i foshnjës ka një kuptim sentimental pasi Jack është emri i mesëm i babait të Justinit, Jeremy Bieber.
