Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
SOCIALE
"Fëmijët vuajnë dhe duhen mbrojtur"/ Madonna reagon për pasojat e luftrave në botë, mbështet Samitin Global të Paqes
S.BPërditësimi i fundit 12 Qershor 2024, 11:50
Madonna
SHBA- Këngëtarja Madonna ka bërë një postim në rrjetet sociale për luftën kudo në botë dhe sesi ajo ka ndikuar tek fëmijët. Këngëtarja, duke iu referuar luftërave që kanë shpërthyer në shumë vende të botës, si në Palestinë, Ukrainë, Jemen etj, ka dashur të mbajë një qëndrim për këtë.
Shqetësuese për të mbetet vuajtja e fëmijëve, duke vënë theksin tek lufta në Ukrainë dhe kthimi i 19 mijë fëmijëve në vendin e tyre pasi u deportuan në Rusi. Ajo pranon se për këtë kauzë nuk do të ndalet madje kërkon që ti bashkohen edhe fansat e saj.
Reagimi i plotë:
Kudo që ka konflikt fëmijët vuajnë. Ukraina, Palestina, Izraeli, Jemeni, Siria, Nigeria, Kongo, Malavi…lista vazhdon dhe vazhdon. Mund të mos pajtohemi për shumë gjëra, por lutem që të gjithë mund të pajtohemi që fëmijët tanë duhet të mbrohen!
Më 15 qershor, liderët botërorë do të mblidhen në Zvicër për Samitin Global të Paqes, i fokusuar në përfundimin e luftës në Ukrainë dhe kthimin e më shumë se 19.000 fëmijëve ukrainas që u shkëputën nga familjet e tyre dhe u deportuan në Rusi.
Unë qëndroj për paqe për të gjithë fëmijët kudo. Anë e mbanë botës. Dhe nuk do të ndalem kurrë! Shpresoj se do të më bashkoheni.
