Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
"I bëj malet bashkë, skej m’skej. Ju dua..."/ Venera Lumani dhe Lind Islami bëhen prindër për herë të parë, zbulojnë emrin e djalit
m.lPërditësimi i fundit 7 Prill 2025, 18:34
TIRANË- Çifti i njohur shqiptar dhe aq i dashur për publikun, duket se kanë nisur një kapitull të ri. Venera Lumani dhe Lind Islami janë bërë prindër për herë të parë. Lajmin e bukur e ndanë me ndjekësit e tyre përmes një postimi në rrjetet sociale. Në një fotografi të ëmbël familjare, ku Venera dhe Lindi shfaqen të lumtur me vogëlushin në krah, ata zbuluan edhe emrin që i kanë vendosur djalit të tyre, Drin Islami.
Emri i përzgjedhur është një homazh për bukuritë natyrore dhe rrënjët shqiptare, duke sjellë në mendje lumin e njohur. Çifti e shoqëroi postimin me fjalë poetike: Familja mbi të gjitha. Unë buroj në Strugë, e buroj në Pejë. I bëj malet bashkë, skej m’skej. Ju dua, Drin Islami.
Ky mesazh simbolik përçon dashurinë për atdheun, për familjen dhe për jetën e re që sapo ka nisur për ta. Për Venerën dhe Lindin, ky është padyshim roli më i bukur dhe më i rëndësishëm që do të luajnë nga tani e tutje, ai i prindërve. Urimet për çiftin kanë vërshuar nga fansat dhe kolegët artistë, të cilët i kanë përgëzuar për ardhjen në jetë të djalit të tyre dhe për këtë kapitull të ri plot dashuri, jetë dhe emocione.
