Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
"Njerëz që doni dhe ju duan mbrapsht"/ Gruaja e Eric Dane bën postimin pas diagnostikimit të tij me sëmundjen e rëndë ALS
m.lPërditësimi i fundit 15 Prill 2025, 09:23
SHBA- Rebecca Gayheart, gruaja e Eric Dane nga "Grey's Anatomy", ndau një mesazh në rrjetet sociale pasi aktori njoftoi diagnozën e tij me sklerozë laterale amiotrofike (ALS), një sëmundje e rrallë dhe degjenerative neurologjike. Aktorja 53-vjeçare ka postuar disa tekste në llogarinë e saj në Instagram, ku i referohet kënaqësive të vërteta të kësaj jete.
Ky postim pasoi njoftimin e Eric Dane se ai është diagnostikuar me ALS. Aktori i njohur për rolin e tij në serialin e HBO Euphoria, si dhe për të famshmin “Grey's Anatomy”, së fundmi ka bërë të ditur lajmin dhe ka shprehur mirënjohjen për mbështetjen e familjes së tij. Krahas kësaj, ai ka kërkuar respekt për privatësinë e tij, ndërsa ka deklaruar se i mbetet i përkushtuar punës dhe pret me padurim rikthimin në set.
Në postimin që Rebecca Gayheart ka bërë në llogarinë e saj personale në Instagram, pak 24 orë pas publikimit të lajmit, ajo i është referuar gëzimeve të jetës. Siç shprehet ajo, disa prej tyre janë: Koha, shëndeti, një mendje e qetë, mëngjeset që kalojnë ngadalë, aftësia për të udhëtuar, pushimi, gjumë i mirë, ditë të qeta dhe të mërzitshme, biseda të rëndësishme, ushqime të gatuara në shtëpi, njerëzit që doni, njerëzit që ju duan përsëri.
Çifti, i cili u martua në vitin 2004 dhe ka dy vajza, Billie dhe Georgia, paraqiti kërkesën për divorc në vitin 2018, por nuk e finalizoi kurrë procesin. Në mars, Rebecca Gayheart bëri kërkesë për pushimin e divorcit, duke treguar një pajtim të mundshëm. Ajo ka theksuar përkushtimin e saj për të rritur bashkë fëmijët e tyre, duke shpjeguar se lidhja e tyre nuk ishte një dështim, por një rrugëtim i suksesshëm 15-vjeçar.
Njoftimi i Eric Dane për ALS vjen pas një sërë betejash personale, duke përfshirë luftën me varësinë dhe depresionin, të cilat gruaja e tij i mbështeti me përkushtim. Pavarësisht vështirësive në lidhjen e tyre, çifti mbeti i afërt, me Rebecca Gayheart që theksoi lidhjen e tyre të fortë dhe përkushtimin për rritjen e fëmijëve të tyre.
ALS, e njohur edhe si sëmundja e Lou Gehrig, prek qelizat nervore në tru dhe palcën kurrizore dhe shkakton dobësi progresive të muskujve. Simptomat e hershme përfshijnë vështirësi në gëlltitje, të folur të paqartë dhe ngërçe të muskujve.
