Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
"Ishim bashkë vitin e kaluar pa e ditur se ishte hera e fundit"/ Sarah Michelle Gellar bën dedikimin prekës për ditëlindjen e shoqes së saj të ndjerë
m.lPërditësimi i fundit 15 Prill 2025, 08:22
SHBA- Sarah Michelle Gellar vazhdoi traditën që kishte me shoqen e saj të ngushtë, Shannen Doherty, për të festuar ditëlindjet së bashku. Aktorja u nda nga jeta në korrik 2024, por Sarah Michelle Gellar u kujdes që të vazhdonte traditën e tyre, duke dërguar një mesazh për të nderuar kujtimin e saj.
Dy aktoret kanë lindur dy ditë larg njëra-tjetrës, Shannen Doherty më 12 prill dhe Sarah Michelle Gellar më 14 prill dhe prej vitesh kanë fikur së bashku qirinjtë e ditëlindjes. Megjithatë, këtë vit pati një peshë të veçantë emocionale për Sarah Michelle Gellar, pasi ajo do të duhej ta festonte këtë ditë të veçantë pa mikeshën e saj.
Në një postim që ka bërë në llogarinë personale në Instagram, ajo ka shpërndarë një foto nga kohët e mëparshme, si dhe një video nga ditëlindja e vitit të kaluar, e cila do të ishte e fundit e Shannen Doherty.
"Me sa mbaj mend, ditëlindjet i kemi festuar bashkë. Këtë vit po mbaj traditën dhe po ju uroj. Jam shumë e lumtur që ishim bashkë në një ditë si kjo vitin e kaluar, pa e ditur se do të ishte e fundit. Gëzuar ditëlindjen Shannen", ka shkruar Sarah Michelle Gellar.
Shannen Doherty, e njohur më së shumti për rolin e saj në serialin Beverly Hills, 90210, kishte vite që luftonte me kancerin e gjirit. Diagnoza e parë u vendos në vitin 2015, ku sëmundja u rikthye më vonë, duke çuar në metastazë në tru, ku iu nënshtrua një operacioni.
