Edi Rama ka rikthyer në vëmendje krizën e drejtimit të Bashkisë së Tiranës, ndërsa kryebashkiaku Erion Veliaj ndodhet ...
SOCIALE
“Nuk e mohoj më, e kuptoj që jam i varur"/ Barry Keoghan bën rrëfimin e tij më personale deri më sot, pranon varësinë nga droga
m.lPërditësimi i fundit 28 Maj 2025, 12:50
SHBA- Në një nga rrëfimet e tij më personale deri më sot, Barry Keoghan zbuloi se lufton me varësinë nga droga. Në një intervistë me Authentic Hollywood, aktori 32-vjeçar e pranoi këtë fakt.
“Nuk e mohoj më. E kuptoj që jam i varur. E dini, kur e pranoni, më në fund mund të ecni përpara dhe të mësoni se si ta menaxhoni atë," tha ai.
Keogan humbi nënën e tij për shkak të përdorimit të heroinës kur ishte vetëm 12 vjeç, ndërsa siç zbuloi ai, babai i tij vdiq nga shkaqe të ngjashme.
"Kam humbur dy xhaxhallarët dhe një kushëri nga droga. Kjo duhet të jetë e mjaftueshme për të thënë, 'Në rregull, nëse edhe unë futem në telashe, do ta kaloj.' Por kurioziteti është një gjë shumë e fuqishme," tha ai.
Edhe pas lindjes së djalit të tij, Brando, në vitin 2022, ai nuk mundi të distancohej nga pushteti që bota e substancave kishte mbi të.
"Kurioziteti është shumë i fortë. Ndonjëherë është i dobishëm dhe herë të tjera shkatërrues. Për mua, ishte shkatërrues. As lindja e djalit tim nuk më ndaloi të isha kurioz", rrëfeu ai.
Aktori shpjegoi se presionet e Hollivudit e shtynë të përdorte: E dini, shkon në Los Angeles, shkon në Hollivud, ku është skena e madhe. Ka një presion të madh dhe një stil jetese që është njëkohësisht i mirë dhe i keq për ty. Je pranë kësaj skene. Dhe rastësisht je ti ai që do ta bëjë këtë.
Sipas Authentic Hollywood, Keogan i përveshi mëngët për të treguar shenjat në krahë nga koha kur kishte përdorur alkool.
“Kam shenja këtu për ta vërtetuar këtë. Është rezultat i përdorimit. Megjithatë, sot ai deklaron se është në një fazë më të mirë të jetës së tij. Tani jam në paqe dhe marr përgjegjësi për gjithçka që bëj. Jam i pranishëm. Jam i qetë. Jam baba. Dhe e shoh atë turbullirë që ishte aty - tani është pak më e qartë dhe më shumëngjyrëshe”, tha ai.
Keogan shprehu gjithashtu keqardhje për atë që u ka shkaktuar, të tjerëve dhe vetes. Ndjej sikur kam arritur diku. Kërkoj falje, veçanërisht vetes, më shumë se kujtdo tjetër, për të gjithë dhimbjen që u shkaktova të tjerëve dhe vetes", shtoi ai.
