Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
SOCIALE
Shënon kthimin e madh në kinemanë amerikane/ Fansat e Johnny Depp emocionohen për rikthimin e tij në filmin 'Day Drinker'
m.lPërditësimi i fundit 15 Prill 2025, 14:26
Johnny Depp
SHBA- Gati tre vjet pas mosmarrëveshjes ligjore me Amber Heard, Johnny Depp po kthehet fuqishëm në Hollywood me filmin "Day Drinker", duke shënuar rolin e tij të parë të madh në një prodhim amerikan. Lionsgate ka publikuar imazhin e parë të aktorit nga filmi, në të cilin ai shfaqet i panjohur, me flokë të gjatë gri, mjekër dhe sy të çelur, duke luajtur një pasagjer misterioz në një jaht luksoz.
Filmi shënon kthimin e parë të madh të Depp në kinemanë amerikane që nga vendimi i tij favorizues i vitit 2022 në padinë për shpifje kundër ish-bashkëshortes së tij, Heard. Që atëherë, aktori është fokusuar në projekte evropiane, si filmi francez "Jeanne du Barry" dhe vepra e tij regjisoriale "Modì".
Fansat e Johnny Depp janë shprehur të emocionuar për rikthimin e tij në ekran me filmin “Day Drinker”. Shumë prej tyre përmendën padurimin për ta parë sërish në aksion, duke theksuar se ky rikthim është diçka që e kanë pritur me shumë padurim. Të tjerë, nëpërmjet rrjeteve sociale, shprehën admirimin e tyre për transformimin e aktorit, duke shprehur besimin se filmi i ri do të ketë sukses të emocionojë publikun.
Xhirimet e filmit “Day Drinker” kanë nisur së fundmi në Spanjë, ndërsa filmi pritet të dalë në vitin 2026. Rikthimi i Depp në një rol kryesor në një produksion të madh amerikan tashmë ka ngjallur interes nga publiku dhe media. Filmi është një thriller me regji të Marc Webb, me bashkë protagoniste Penelope Cruz, me të cilën aktori i njohur bashkëpunon për herë të katërt.
