Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
SOCIALE
Synon rritjen e ndërgjegjësimit rreth rëndësisë së bletëve/ Angelina Jolie dhe Ellie Goulding mbështesin serialin e ri dokumentar 'Bee; Wild'
m.lPërditësimi i fundit 1 Maj 2025, 08:05
SHBA- Angelina Jolie dhe Ellie Goulding po bashkojnë forcat për hir të mjedisit, duke mbështetur serialin e ri dokumentar 'Bee; Wild', i cili pritet të ketë premierën e tij botërore në festivalin SXSW në Londër. Seriali, i cili aktualisht është në fazën e post-prodhimit, synon të rrisë ndërgjegjësimin rreth rëndësisë së bletëve dhe pjalmuesve të tjerë për shëndetin e planetit.
Dokumentari është drejtuar nga Rebecca dhe Josh Tickell , ndërsa Ellie Goulding, përveç rrëfimit, kompozon edhe muzikën origjinale me Jim Fairfield. Angelina Jolie merr pjesë si nëpërmjet një interviste që dha, ashtu edhe si bashkëpunëtore në ekipin krijues.
"Ellie Goulding ka dhënë shumë për promovimin e kauzave të rëndësishme, ashtu si edhe Angelina Jolie, e cila ka një interes të veçantë për bletët për shkak të punës së saj humanitare në Kamboxhia. Jemi të nderuar që të dy marrin pjesë", tha Josh Tickell për Variety.
Sipas tij, “Bee: Wild” u drejtohet veçanërisht shikuesve të rinj, duke nxjerrë në pah pasojat e aktivitetit njerëzor në ekosisteme, si dhe mundësitë për ndryshim: Bletët janë një tregues i shëndetit të planetit tonë. Ato na paralajmërojnë dhe nëse i dëgjojmë me kohë, mund të parandalojmë fatkeqësi më të mëdha.
Seria synon të nxjerrë në pah rëndësinë jetike të pjalmuesve për ruajtjen e biodiversitetit dhe zinxhirit ushqimor global, duke na kujtuar se ka ende kohë për të vepruar.
