Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
VIDEO/ Pothuajse e zhveshur jashtë hotelit e rrethuar nga policia e ambulanca, çfarë ndodhi me Britney Spears?
S.BPërditësimi i fundit 3 Maj 2024, 11:47
Britney Spears
SHBA- Fotot e Britney Spears në gjendje të keqe, duke ecur e mbështjellë me një batanije dhe e shoqëruar nga policia jashtë një hoteli në Los Anxhelos, po bëjnë xhiron e internetit. TMZ raporton se ylli i popit ka pasur një debat të ashpër me partnerin e saj, Paul Soliz, me situatën që ka dalë jashtë kontrollit.
Mbrëmjen e së mërkurës Spears shkoi në Chateau Marmont me Soliz. Disa orë më vonë, një kalimtar i rastësishëm thirri policinë, duke pretenduar se një grua që përputhej me përshkrimin e yllit 42-vjeçar po ngacmonte dhe kërcënonte punonjësit dhe klientët e hotelit.
Oficerët mbërritën pak pas orës 22:30, por u larguan pasi nuk panë asgjë të dyshimtë në atë kohë. Dyshja shkuan në një dhomë hoteli rreth orës 23:00, ku vazhduan të festonin dhe të pinin. Ndërsa ndodheshin në dhomë, ata u përleshën dhe thuhet se pati dhunë fizike, ku Spears u godit me shkelm në këmbë.
Burimet e cituara nga TMZ thonë se këngëtarja po bërtiste dhe ishte jashtë kontrollit në korridorin e suitës së saj dhe disa të ftuar menduan se ajo pati një krizë mendore, kështu që ata thirrën një ambulancë. Në YouTube është publikuar video e mbërritjes së ambulancës në hotel.
Britney Spears postoi menjëherë në Instagram dhe tregoi këmbën e saj të fryrë dhe bëri një sërë postimesh të çuditshme, duke thënë se ajo ra aksidentalisht dhe u përplas.
“Në fakt ndrydha kyçin e këmbës. Është shumë keq. Zonja idiote këtu u përpoq të bënte një kërcim në sallën e Chateau dhe ra e turpëruar dhe kaq”, shkroi ajo.
Me një tjetër postim ajo ka dashur të përgënjeshtrojë mediat e huaja që flasin për sherrin e saj me Solizin. Siç ka shkruar ajo, kjo është një gënjeshtër dhe ka kërkuar respektin e të gjithëve, në këtë përpjekje të përditshme që bën për t'u shëruar.
Më pas, në videon që tregon këmbën e saj të fryrë, Britney Spears fajësoi nënën e saj, duke lënë të kuptohet se është ajo që ka treguar për mediat se është konfliktuar me partnerin e saj.
“E di që nëna ime ishte e përfshirë! Unë kam 6 muaj që flas me të dhe më telefonoi menjëherë pas ngjarjes, para se të dilte lajmi! Do të doja të kisha gjyshër! Nuk e duroj dot atë!!! Sinqerisht nuk më intereson, do ta them”, ka shkruar Spears.
It was a rough night for #BritneySpears. Paramedics were called to the singer's hotel room after she got into a huge fight with her boyfriend Wednesday. We break down all the details on #TMZLive. pic.twitter.com/GneuKU1q4p
