Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
INVESTIGIME
Frika deri në palcë / Dhëmbët “diamant” 18 mijë euro që iu vunë Benitës, a mund t’ia rrezikojnë shëndetin? “Bukuroshja nuk do ta harrojë kurrë këtë ditë…”
PiranjatPërditësimi i fundit 26 Dhjetor 2025, 22:06
Prej më shumë se 40 ditësh, 21-vjeçarja Benita Zena po përjeton eksperiencën e qëndrimit në shtëpinë e “Big Brother VIP Kosova”. Ky rrugëtim është shoqëruar me debate të forta me banorët, por edhe me një romancë me Tonin, një tjetër banor i shtëpisë. Por pak persona e dinë se, përpara kësaj eksperience, këngëtarja–influencere u përball me një situatë delikate që lidhej me dhëmbët e saj tepër të veçantë.
Dhëmbët e shumëdiskutuar të 21-vjeçares, me prerje diamanti, u kthyen në temë të ditës dhe u kritikuan gjerësisht, kryesisht nga profesionistë të fushës. Por kjo tashmë i përket së shkuarës. Situata në të cilën e vendosëm ne Benitën, përmes aktorit tonë që hiqet si mjek stomatolog, është – pak të thuhet – e komplikuar.
Është mëngjesi i 26 qershorit 2025 dhe ndodhemi në Prishtinë, në klinikën “Doctor Smile”, të mjekut Valton Rrustemi, i cili ka realizuar ndërhyrjen e veçantë te këngëtarja.
Për ta bindur Benitën të vijë në klinikë, mjeku e ka bërë të besojë se nga ndërhyrja mund t’i krijohen probleme serioze shëndetësore. Për këtë arsye, ai ka angazhuar edhe kolegun e tij, doktor Aleksandrin, dhe të dy e presin vajzën në studio. Edhe pse në dukje duket e qetë, 21-vjeçarja ka menduar gjatë se çfarë problemi mund të kishte mjeku që e ka thirrur me aq urgjencë.
Të dy “mjekët” hezitojnë fillimisht për t’i thënë të vërtetën, por në fund është doktor Aleksandri ai që thyen akullin.
Për ta bërë më dramatike situatën, ne përpiqemi ta bindim Benitën se bashkimi i uraniumit me titanin mund të provokojë “shpërthime të dhëmbëve”, që do të shkaktonin dëmtime të pariparueshme në fytyrë. Një pretendim që në fakt nuk është aspak i vërtetë, pasi titani është një material i lehtë dhe shumë rezistent, i përdorur gjerësisht në stomatologji.
“Shëndeti mbi të gjitha, Benitë e dashur… pastaj flasim për përgjegjësitë.”
Tani vjen momenti që doktor Aleksandri “i Madh” të shpjegojë situatën me të ashtuquajturat shpërthime brenda gojës.
Bëhet fjalë për një kontratë, sipas së cilës klinika “Doctor Smile” nuk mban asnjë përgjegjësi nëse pacientja vendos t’i mbajë dhëmbët e tillë. Megjithatë, doktor Valtoni nuk duket aspak i qetë dhe përpiqet të shmanget gjatë gjithë kohës. Në fakt, ky është qëllimi final i dy kolegëve: t’ia prishin ditën vajzës me “dhëmbë diamant”. Në këtë pikë, doktor Aleksandri e kapërcen profesionalizmin, duke shpërthyer në komplimente të panevojshme ndaj pacientes. Por, për shkak të peshës së situatës, askush nuk i vë re këto tejkalime.
“Kujdes, doktor, me këto gjëra…”
Doktor Valton Rrustemi, përfaqësues i klinikës, dhe doktor Aleksandër Gjoni, përfaqësues i klinikës furnizuese, sipas kësaj kontrate bien dakord të ndërpresin marrëdhënien pacient–mjek me znj. Benita Zena, duke ia lënë asaj çdo vendim të mëtejshëm që lidhet me metodën e prerjes me diamant. Pra, nëse do t’i mbash dhëmbët kështu, i mban kështu… por pa asnjë përgjegjësi nga ana e tyre.
Por “zbritja” nuk mbaron këtu. Përveç 60% të shumës, zbriten edhe 20% të tjera për “innovacion të pakonsultuar”. Me pretendimin se ndërhyrja nuk është konsultuar më parë me qendrën dhe se, po të ishte pyetur, doktori do të kishte thënë: “Mos ia vendosni”. Ndërhyrje në gojë me cianur. Një metodë e padëgjuar, të cilën, sipas këtij “mjeku të çmendur”, e përdorin disa dentistë, ndërsa nuk dihet se ku përfundojnë pacientët e tyre.
“Në duart e kujt rrezikon të bjerë kjo bukuroshe, o doktor?”
Kontrata e parë dështon.
“Nuk duhej ta bëje, Benita. Nuk duhej. Këta të dy janë tërësisht të çmendur.”
Askush nuk po e merr me qetësi situatën. Përkundrazi, doktor Aleksandri shfaqet tepër i shqetësuar për këtë “anomali”.
Normalisht… përndryshe si do të justifikoheshin 18 mijë euro? Fytyra e këngëtares reflekton zhgënjimin, por edhe frikën nga kjo papërgjegjshmëri e një doktori të panjohur, i cili flet me bindje absolute. Ndërkohë, ai përpiqet t’ia kalojë fajin kolegut të tij. Doktori duket i sigurt në çdo fjalë që thotë, gjë që vetëm sa e shton nervozizmin e vajzës. Në fund, doktor Aleksandri ia arrin qëllimit: ta prishë përfundimisht raportin mes pacientes Benita dhe doktor Valtonit./piranjat.news
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi
