Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
INVESTIGIME
Fushata 2025: Nga ‘O Gazo’ te TikTok – kur politika bëhet show
M.B.Përditësimi i fundit 25 Prill 2025, 22:04
FIER- Fushata elektorale e këtij viti po zhvillohet më shumë në rrjetet sociale sesa në terren. Politikanë dhe kandidatë për deputetë kanë zgjedhur të komunikojnë me publikun përmes Facebook-ut, Instagram-it dhe TikTok-ut. Disa flasin për programe, të tjerë takojnë qytetarë, ndërsa një pjesë përdorin rrjetet për sulme ndaj kundërshtarëve.
Por ndër videot që kanë bërë më shumë bujë, janë ato me tone të çuditshme dhe shpesh qesharake. Nga Basha me thirrjet e tij dramatike, te Lapaj që ulërin nëpër video, duket se shumë prej figurave politike janë transformuar në figura virale.
Megjithatë, “hiti” i muajit nuk i përket asnjë prej tyre, por një personazhi periferik nga Roskoveci — Zegjineja. Ajo u bë virale me thirrjen “O Gazo!”, drejtuar Gazment Bardhit të PD-së. Pamjet tregojnë një gjuhë të ashpër, e cila sipas burimeve tona është pjesë e një strategjie të drejtuar nga Belinda Balluku.
Zegjineja nuk është një emër i panjohur për banorët e zonës: më herët është përfshirë në një incident me banorët e Kurjanit që u kallëzuan në polici pasi tentuan të rregullonin rrugën me shpenzimet e tyre. Më pas, ajo është lidhur edhe me një kallëzim në SPAK për kërcënim të një qytetari në roskovec që t’i shërbente shefes së saj në zgjedhjet e vitit 2021, ose nëse ajo do të zbatonte ligjin do të përfundonte në burh.
Pak ditë më parë Zegjine Çaushi u kallëzua në KQZ nga Qëndresa Qytezate për përdorim të aseteve shtetërore në fushatë.
