Kryetari i Partisë Demokratike, Sali Berisha, gjatë një bashkëbisedimi me qytetarët në rrjetet sociale, e ka cilësuar jav&e...
INVESTIGIME
Nga tritoli te kërcënimet me jetë/ Çfarë po ndodh me policin Altin Preka?
PiranjatPërditësimi i fundit 26 Shtator 2026, 10:33
Altin Preka, efektiv i Policisë së Shkodrës, rrëfen për “Piranjat” historinë e përplasjeve të tij me eprorët dhe kolegët, që sipas tij kanë nisur prej vitesh. Preka pretendon se ka denoncuar problematika brenda FNSH-së Shkodër, përfshirë presione ndaj efektivëve dhe abuzime me dieta, por që sipas tij, në vend që të nisnin hetimet për drejtuesit e repartit, ishte ai që përballej me masa disiplinore të njëpasnjëshme.
Në vitin 2020, ai thotë se një shpërthim me tritol ndodhi pranë banesës së tij, ndërsa ishte me familjen. Preka pretendon se ende nuk ka marrë informacion nga Policia dhe Prokuroria për autorët apo përfundimin e hetimit.
Një tjetër përplasje, po në vitin 2020, lidhet me një koleg në Shëngjin dhe pretendimin për nxjerrjen e armëve.
Prokuroria e Lezhës e pushoi çështjen, duke konkluduar se konflikti ishte verbal, ndërsa Policia e Shkodrës nisi një hetim paralel dhe, pavarësisht vendimit të Prokurorisë, ai mori një masë disiplinore që më vonë do ta penalizonte.
Në vitin 2024, Preka u përfshi në një tjetër hetim, pasi disa kolegë pretenduan se e kishin parë duke ushtruar dhunë ndaj qytetarëve. Personat e përfshirë e mohuan konfliktin, ndërsa Prokuroria e Shkodrës nuk nisi procedim penal ndaj efektivit. Në këtë rast, të gjitha dëshmitë e kolegëve të tij ishin kundër Prekës.
Në qendër të denoncimeve të Prekës është ish-komandanti i FNSH-së Shkodër, Hamdi Shullani, të cilin ai e akuzon për presione dhe penalizime të padrejta.
Përballë “Piranjave”, ish-komandanti i FNSH-së në Shkodër, Hamdi Shullani, i mohon akuzat, ndërsa refuzon të përgjigjet në lidhje me dy ngjarje të denoncuara nga Altini, që përfshijnë drejtpërdrejt Shullanin në ngjarje të rënda kriminale.
Po ashtu, ai nuk u përgjigj nëse disponon apo jo certifikatë sigurie.
Por rrëfimi i Prekës nuk përfundon këtu. Detaje tronditëse dhe ngjarje që do të shkundnin besimin e tij te Policia do të trajtohen në episodin e ardhshëm. Kush e kërcënoi me jetë Altin Prekën në krye të detyrës? Ndiqni episodin e ardhshëm./piranjat news
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi
