Prapaskenat në kurriz të një mësueseje! Toska: Duan të më largojnë nga puna padrejtësisht! Ish-drejtori i shkollës largohet! AKPA ’’kyç gojën’’, rojet dhunojnë gazetarin

SHKODRA- Rasti i mbrëmjes së kësaj të premteje në ka çuar në Bushat të Shkodrës, aty ku një mësuese e lëndëve Biologji-Kimi rrezikon të mbetet pa punë, pasi ish-drejtori i shkollës tashmë ka kaluar mësues dhe ka marrë nga orët e saj të mësimit, e dalëngadalë duke i zënë vendin e punës me 20 orë të plota.

Dhe sikur të mos mjaftonte e ka larguar dhe një vit nga borderoja e shkollës gjatë kohës që ajo ishte me leje lindjeje. E gjitha kjo me sa duket me një qëllim të mirëmenduar. zënien e vendit të punës. Ndërkohë që për të hapur vend për orët e ish-drejtorit, mësueses i reduktohet plani mësimor.

Këtu është vetëm fillimi, ku nisin dhe shkeljet që sot rrezikojnë që një mësuese me rreth 15 vite eksperiencë të hidhet në rrugë. Drejtori Kapedanja, del në pension, dhe në vendin e tij komandohet Elis Celepia, i cili sapo merr detyrën, e thërret në zyrë mësuesen, duke i komunikuar se në qershor i mbaron kontrata dhe kështu duhet të largohet nga puna.

Për ta sqaruar mirë, kemi përballë njëri tjetrit dy mësues të së njëjtës lëndë biologji - kimi, në një shkollë ku mësojnë rreth 110 nxënës. Aktualisht secili nga mësuesit nuk plotëson normën mësimore. Por përderisa mësuesja ka qenë definitive që në 2011 me 20 orë në jave, pse ndodhi që u ndanë orët duke shtuar zotin Shimaj? Përgjigjia është e thjeshtë, duan ta mbajnë me patjetër në shkollë.

Thënë shkurt, drejtori i atëhershëm, ka vënë në siguresë vendin e punës për një moment të dytë që mund të mos ishte në post drejtues. Duket një skemë e mirëmenduar në kurriz të kolegës, e cila sapo kishte sjellë në jetë vajzën pa e kuptuar aspak atë që po ndodhte në shkollë gjatë mungesës së saj.

Ndërkohë që sot i kërkohet që të futet në një garë që sipas Vjoselës është e pabarabartë, por dhe sipas ekspertëve të arsimit, pasi siç shprehet Nora Malaj, gara është e pabarabartë ndërsa shton se Vjoselës i janë shkelur dy të drejta themelore. Ndërkohë në takimin që patëm me mësues Shkëlqimin, ky i fundit nuk jep asnjë përgjigje, duke ikur me vrap sa në oborr e sa nëpër zyra.

Ndërsas pas takimit me profesor Shkëlqimin që nuk shkoi dhe aq mirë u nisëm drejt Agjencisë Kombëtare të Punësimit dhe Aftësive, të cilët mund të na japin arsyet e këtij lëmshi në dëm të një mësuesje në karrierë. Takimi i parë nuk shkoi mirë, dhe përveç agresivitetit të rojeve të sigurisë, nuk morëm asnjë përgjigje nga zonja Etleva Gjelaj, drejtoreshë e këtij departamenti.

Kështu që e provuam sërish, dhe këtë herë drejtoresha ishte më e gatshme të na përgjigjej, pasi mesa duket ka marrë dhe informacionin e duhur që të kishte disa argumenta më tepër, në lidhje me këtë situatë.... Por dhe këtu nuk morëm një përgjigje ligjore, pasi nga biseda kuptohet qartë që zonja Gjelaj dhe drejtoria që drejton e kishin ndarë mendjen që Shkëlqim Shimaj do të ishte mësuesi definitive, pavarësisht se ka një garë përpara.

shkodra