Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
INVESTIGIME
SKANDAL/ Nga kërkesa për shkarkim te gradimi në qeveri
PiranjatPërditësimi i fundit 22 Janar 2026, 13:57
Erlind Sulo është emëruar gjatë ditës së djeshme zëvendësministër i Infrastrukturës dhe Energjisë, pavarësisht se në pozicionet e mëparshme ka qenë subjekt i kërkesës për shkarkim nga Kontrolli i Lartë i Shtetit (KLSH), për moskryerje të detyrës sipas ligjit.
Më konkretisht, KLSH i ka rekomanduar Ministres së Infrastrukturës dhe Energjisë, Belinda Balluku, shkarkimin e drejtorit të Agjencisë Kombëtare të Burimeve Natyrore (AKBN), Erlind Sulo, pas një auditimi të posaçëm të zhvilluar pas përmbytjes së shkaktuar nga prishja e murit rrethues të Hidrocentralit Sasaj, në zonën e Bunecit në Himarë, në janar të vitit 2025.
Auditimi tematik u nis menjëherë pasi u raportua se ujërat e ujëmbledhësit të hidrocentralit Sasaj, nën administrimin e kompanisë koncesionare “Energo-Gas”, çanë digën dhe përmbytën zona të tëra të fshatit bregdetar në jug të vendit.
Në përfundim të auditit, KLSH konstatoi se:
Koncesionari nuk kishte respektuar kushtet teknike të kontratës;
Nuk ishin zbatuar afatet e përcaktuara;
Nuk ishin përmbushur detyrimet ligjore për raportim dhe dokumentacion;
Ishte shkelur fuqia e projektuar e hidrocentralit;
Mungonte dokumentacioni teknik i plotë;
Teksa më tej shtohet se ishin neglizhuar strukturat kryesore të sigurisë, veçanërisht baseni i presionit, dëmtimi i të cilit solli pasoja serioze për mjedisin dhe komunitetin përreth.
Gjatë auditimit u konstatua gjithashtu se shkeljet e përsëritura të koncesionarit kishin kaluar pa u verifikuar nga Agjencia Kombëtare e Burimeve Natyrore, institucioni përgjegjës për monitorimin e zbatimit të detyrimeve të kompanive koncesionare që operojnë hidrocentrale private.
Pra, sipas gjetjeve zyrtare të KLSH-së, AKBN kishte dështuar në ushtrimin e funksionit të saj mbikëqyrës, duke mos ndërmarrë masa ndëshkuese dhe parandaluese ndaj subjektit koncesionar. Por në qeverinë e Ramës është bërë praktik që një drejtorë pasi kapet në shkelje katapultohet me ndonjë ministri me pozicion më të lartë./Piranjat news
