Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
INVESTIGIME
U rrahën në Londër/ Shqiptarët zbulojnë emrat e dhunuesve nga radhët e qeverisë
r.llPërditësimi i fundit 29 Nëntor 2024, 20:53
edi rama
TIRANË- Turit të bashkëbisedimeve mes patriotit kryesocialist dhe diasporës nuk kishte si t’i mungonte Anglia, toka e premtuar për shqiptarët. Por kësaj radhe, gjërat do të merrnin një rrjedhë aspak të dëshiruar për kryeministrin dhe socialistët e mbledhur në sallë, sepse aty kishin hyrë edhe persona që kishin pakënaqësi për drejtimin që ka marrë Shqipëria në dekadën e fundit.
Pesë aktivistë mbanin një banderolë me mbishkrimin: deri kur; që nënkuptonte se deri kur shqiptarët do të detyroheshin të largoheshin nga vendi i tyre për shkak të keqqeverisjes. Kaq mjaftoi që truprojat e qeverisë t’i vërsuleshin protestuesve anti-Rama duke i dhunuar për disa minuta.
“Ne nuk kemi sulmuar askënd. Qëllimi i protestës ishte për t'i treguar Ramës që ne emigrantët nuk shitemi. U mblodhëm 150 veta. Aty kanë qenë shqiptarë pa përfaqësim partish, por secili vetëm si emigrant. Kemi 35 vjet dhe akoma shqiptarët rrezikojnë jetën në gomone. Për ditë vdesin njerëz në kanalin anglez”- thanë protestuesit.
Por kush ishin ata që rrahën shqiptarët e Londrës?
“U sulën 10 vetë, ishin shqiptarë, pjesë e security të Taulant Ballës, Benet Becit, Pjerin Ndreut, sepse secili ka pas rreth 10 me vete, sikur po shkonin në luftë. Na kanë rrahur me mjete të forta, me grushta në kokë. Njëri përfundoi në spital. Më shumë na vranë shqipërisht, që na goditën shqiptarët tanë. Ne thjesht protestuam ndaj keqqeverisjes, s’bëmë asgjë tjetër.”
Përtej kësaj ata theksuan se kjo dhunë nuk do t’i ndalojë aspak për të vazhduar protestat, por i bëjnë thirrje shqiptarëve që të marrin guximin dhe të rrëzojnë këtë sistem që i dërgoi rrugëve të botës.
