Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
KOSOVA
BE: Integrimi i Kosovës dhe Serbisë i kushtëzuar
PiranjatPërditësimi i fundit 17 Dhjetor 2025, 22:49
Bashkimi Evropian ka thënë se lidhjet me Ballkanin Perëndimor përbëjnë një raport të fortë strategjik, teksa ka theksuar se agresioni i Rusisë në Ukrainë ngreh nevojën për lidhje edhe më të ngushta.
Në deklaratën e bllokut evropian theksohet se “e ardhmja e Ballkanit Perëndimor është në Bashkimin Evropian”.
“Zgjerimi është një mundësi reale, e cila duhet të shfrytëzohet”, thuhet në deklaratë.
Në deklaratë është përmendur edhe normalizimi i marrëdhënieve mes Kosovës e Serbisë, si kusht për qasjen në fondet e BE-së dhe integrimin evropian.
“Mungesa e normalizimit të marrëdhënieve mes Prishtinës dhe Beogradit vazhdon t’i mbajë prapa të dy partnerët në rrugën e tyre evropiane. Të gjitha marrëveshjet e arritura nga dialogu i lehtësuar nga BE-ja duhet të zbatohen, veçanërisht Marrëveshja për normalizim dhe Aneksi për zbatim. Mbështetja në kuadër të Instrumentit për Reforma dhe Rritje për Ballkanin Perëndimor është e kushtëzuar nga angazhimi konstruktiv i partnerëve me progres dhe rezultate të prekshme në normalizimin e marrëdhënieve të tyre”, thuhet në deklaratë.
Në samit u diskutua për integrimin gradual të Ballkanit Perëndimor, në veçanti në tregun e vetëm të BE-së, që tha se sjellë “përfitime konkrete për qytetarët”, përfshirë këtu përmes nismave digjitale, uljes së kostove të roamingut e të tjera.
