Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
KOSOVA
Ekzekutimi i Liridona Ademajt, eksperti i sigurisë zbardh detaje të reja: Mund të kenë qenë më shumë se 3 vrasës
PiranjatPërditësimi i fundit 7 Tetor 2025, 15:54
Eksperti i sigurisë, Bedri Elezi, i ftuar në një studio televizive, ka folur në lidhje me ngjarjen tragjike të vrasjes së Liridona Ademajt, duke theksuar se dyshohet se përpara se të ndodhte ngjarja, grupi që ka qëndruar pas krimit nuk ka qenë vetëm prej tre personash. Ai sugjeroi se mund të ketë pasur edhe individë të tjerë të përfshirë në organizimin dhe realizimin e veprës penale.
Elezi tha se ngjarja mund të ketë qenë një situatë që nuk është planifikuar të shkojë deri në atë masë, por që ka pasur informacion të mjaftueshëm rreth zhvillimeve që mund të kishin ndodhur. Ai aludoi se, sipas Kodit Penal të Republikës së Kosovës, ata që mund të kenë pasur informacion në lidhje me planifikimin e ngjarjes dhe nuk kanë vepruar për të parandaluar krimin, mund të përballen me akuzën e "pasjes së informacionit dhe mosparandalimit të veprës penale".
Në këto kushte, Elezi theksoi se është e rëndësishme të shqyrtohet mundësia për rikualifikimin e veprës penale, duke përfshirë të gjithë ata që mund të kenë qenë të përfshirë në këtë ngjarje tragjike.
“Mund të aludojmë se ndoshta të njëjtit nuk kanë menduar që do të shkojë deri këtu situata, por që kanë pasur informacione në lidhje me zhvillimet dhe parë nga angazhimi i Kodit Penal të Republikës së Kosovës, të njëjtit janë të përfshirë në veprën penale për pasje të informacionit dhe mosparandalim të veprës penale. Në këto rrethana është mirë me pa mundësinë për t’u rikualifikuar veprës”, tha ndër të tjera Elezi.
