Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
KOSOVA
Kandidon për Prishtinën, Uran ismaili ushtron të drejtëne votës: Një mundësi për ndryshim
PiranjatPërditësimi i fundit 12 Tetor 2025, 09:32
Kandidati për kryetar të Prishtinës nga radhët e Partisë Demokratike të Kosovës, Uran Ismaili, ka ushtruar të drejtën e votës së tij në shkollën fillore “Ismail Qemali” në Prishtinë, ku votoi së bashku me bashkëshorten dhe djalin.
Pas votimit, Ismaili u bëri thirrje të gjithë qytetarëve të dalin dhe të votojnë, duke e cilësuar ditën e sotme si një mundësi të rëndësishme për të ardhmen e kryeqytetit.
“Sot është një ditë e mirë për Prishtinën, në të cilën vendosim të gjithë për të ardhmen e saj për katër vjetët e ardhshme,” u shpreh ai.
“Së pari dua të falënderoj qytetarët që më kanë pritur jashtëzakonisht mirë kudo që kam shkuar. Ka qenë një fushatë e jashtëzakonshme për të gjithë ne, dhe i falënderoj të gjithë vullnetarët dhe ata që kanë kontribuar që kjo fushatë të shkojë në mënyrën më të mirë të mundshme.”
Ismaili shprehu optimizëm për procesin zgjedhor dhe theksoi nevojën për një ndryshim të thellë në Prishtinë, që, sipas tij, do t’i hapte rrugë zhvillimit të qytetit.
“Shpresoj që Prishtina ta shfrytëzojë këtë mundësi për ndryshim – për ta bërë qytetin tonë ashtu siç duam ta shohim, të zhvilluar dhe të përparuar,” tha ai në fund të deklaratës.
