Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
KOSOVA
Kategoritë e dala nga lufta organizojnë protestë në Tiranë, Vjosa Osmani në mbështetje të UÇK-së: Po kërkohet vetëm drejtësi, asgjë tjetër
PiranjatPërditësimi i fundit 15 Tetor 2025, 12:24
Presidentja e Kosovës, Vjosa Osmani, ka shprehur publikisht mbështetjen për protestën e paralajmëruar që do të mbahet më 17 tetor në Tiranë, e organizuar nga kategoritë e dala nga lufta. Në një prononcim për media, Osmani theksoi se kjo protestë ka në thelb kërkesën për drejtësi dhe për respektimin e të drejtave të njeriut.
“E mbështes këtë protestë, ashtu siç kam mbështetur çdo protestë që është thirrur për drejtësi. Qytetarët e Kosovës dhe më gjerë nuk kanë kërkuar kurrë asgjë tjetër përveç drejtësisë së vërtetë dhe respektimit të parimeve më të larta të mbrojtjes së të drejtave të njeriut”, deklaroi Osmani.
Ajo shtoi se prej 5 vitesh nuk ka pasur progres të ndjeshëm, ndërsa theksoi se ish-krerët e UÇK-së që ndodhen në Hagë, janë paraqitur atje me besim të plotë në drejtësi.
“Tash po bëhen 5 vite pa asnjë ndryshim në drejtësinë ndërkombëtare, por ne si institucione të Kosovës kërkojmë që parimet e të drejtave të njeriut të respektohen dhe u japim mbështetje të plotë protestuesve që i kërkojnë këto standarde.”
Në fjalën e saj, Presidentja Osmani përsëriti qëndrimin e saj të qartë për luftën e Ushtrisë Çlirimtare të Kosovës:
“Lufta e UÇK-së ka qenë një luftë e drejtë, për liri, për të mbrojtur popullin tonë dhe për të çliruar Kosovën nga okupimi që kishte zgjatur për shekuj. Ka qenë luftë për mbrojtjen e pragut të shtëpisë dhe të qytetarëve të pafajshëm që sulmoheshin nga ushtria serbe.”
Paneli Zgjedhor për Ankesa dhe Parashtresa (PZAP) gjobitur me 3,000 euro subjektin politik Iniciativa e Re Demokratike e Kosovës (IRDK) dhe kryetarin ...
