Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
'Komunalet' në Kosovë, KQZ: Deri në orën 11:00 kanë votuar mbi 158 mijë qytetarë, nuk raportohet asnjë parregullsi serioze
PiranjatPërditësimi i fundit 12 Tetor 2025, 11:48
Kryetari i Komisionit Qendror të Zgjedhjeve, Kreshnik Radoniqi, në një konferencë të mbajtur sot, ka njoftuar se procesi zgjedhor po zhvillohet i qetë dhe pa parregullsi të natyrës që do të cenonin integritetin e zgjedhjeve.
Sipas të dhënave preliminare të mbledhura nga rreth 94% e vendvotimeve, deri në orën 11:00 të mëngjesit kanë votuar 158,691 qytetarë, që përbën 7.84% të votuesve të regjistruar (nga gjithsej 2,025,105 votues me të drejtë vote në të gjithë Kosovën).
Krahasim me vitin 2021:
Në të njëjtën kohë gjatë Zgjedhjeve Lokale të vitit 2021, kishin votuar 152 mijë qytetarë, apo 8.2% nga 1,885,448 votues të regjistruar atëherë – që tregon një rritje të lehtë në numër absolut, por rënie në përqindje, për shkak të shtimit të trupës zgjedhore.
Radoniqi gjithashtu theksoi se nuk janë raportuar incidente apo shkelje që do të ndikojnë në mbarëvajtjen e përgjithshme të procesit, dhe se institucionet janë të angazhuara për të garantuar një proces të qetë, të sigurt dhe demokratik.
Konferenca e radhës nga KQZ do të mbahet në orën 15:30, ku pritet të jepen të dhëna të reja mbi pjesëmarrjen dhe rrjedhën e zgjedhjeve.
