Një situatë e rëndë me mbetjet urbane është denoncuar në fshatin Molisht të Beratit.
Pamjet e mbërritura në...
KOSOVA
Kosova shkon drejt zgjedhjeve të reja parlamentare
PiranjatPërditësimi i fundit 29 Prill 2026, 00:03
Kosova do të shkojë në zgjedhje të reja parlamentare pasi Parlamenti i vendit nuk arriti të zgjidhte presidentin e ri të Republikës. Seancë që përfundoi pak momente më parë, nuk pati kuorum dhe në të morën pjesë vetëm deputetët e Lëvizjes Vetëvendosje
Vetëm pak çaste para skadimit të afatit ligjor për zgjedhjen e Presidentit,”, kryeministri Kurti ka lëshuar akuza drejt partive opozitare.
Ai tha se opozita nuk po e respekton vullnetin e qytetarëve dhe po e çon vendin drejt zgjedhjeve të reja.
Kurti ka thënë se opozita është e vetëdijshme që zgjedhjet nuk janë zgjidhje dhe ka shprehur optimizëm se mbështetja e qytetarëve për Lëvizjen Vetëvendosje do të vazhdojë të rritet.
“Ata janë të vetëdijshëm që zgjedhjet nuk janë zgjidhje. Ata nuk duan përgjegjësi, nuk duan pushtet por dëshirojnë që këtë të mos e kemi as ne. Veçse për këtë nuk vendosin ata por populli i Kosovës i cili gjithmonë e më shumë na ka mbështetur neve në përputhje me realizimin e zotimeve tona dhe përmirësimin e situatës së tij edhe në aspektin socio-ekonomik edhe në atë të sigurisë. Pas një qeverisje 5-vjeçare është rritur mbështetja për neve. Çdo herë kështu do të jetë. Ne do të jemi afër popullit t’i shërbejmë me aq sa dijmë e mundemi dhe mbështetja për ne vetëm sa do të rritet”, ka thënë Kurti.
