Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Kurti nuk arriti të mbledhë votat e nevojshme për qeverinë, ja çfarë pritet të ndodhë tashmë me Kuvendin
PiranjatPërditësimi i fundit 26 Tetor 2025, 12:26
Propozimi i mandatari Albin Kurti për një mandat të ri katërvjeçar nuk ka arritur të marrë përkrahjen e nevojshme prej 61 votash në Kuvendin e Kosovës. Me 56 vota pro, 52 kundër dhe 4 abstenime, Kuvendi i Kosovës ka dështuar të zgjedhë Qeverinë e re, duke lënë hapur mundësinë për zhvillimin e një tjetër raundi politik.
Pas dështimit të votimit, Kryetari i Kuvendit, Dimal Basha, theksoi se përgjegjësia tani kalon sërish te presidentja Vjosa Osmani, e cila do të jetë përgjegjëse për hapat e ardhshëm dhe vendimin nëse do të krijohet një shumicë parlamentare ose do të shkohet në zgjedhje të reja. Ai gjithashtu mbylli punimet e seancës së sotme.
Në prezantimin e tij, Albin Kurti tha se nuk ka arritur marrëveshje për bashkëqeverisje me asnjë parti tjetër dhe ka kërkuar mbështetje nga partitë për të "vazhduar qeverisjen e mirë". Kurti po ashtu ka paraqitur edhe listën e 20 ministrave që kishte synuar për të siguruar shumicën parlamentare.
Pas këtij dështimi, presidentja Osmani pritet të mbledhë liderët e partive politike për të analizuar mundësitë dhe për të konstatuar nëse mund të arrihet një shumicë tjetër, ose nëse vendi do të shkojë në zgjedhje të parakohshme.
