Një shpërthim me lëndë të dyshuar plasëse është regjistruar në orët e para të mëngjesit të so...
KOSOVA
Kërkoi mbështetjen e tyre për formimin e Qeverisë së re, PDK dhe LDK i 'kthejnë kurrizin' Kurtit
PiranjatPërditësimi i fundit 26 Tetor 2025, 12:06
Kryetari i Partisë Demokratike të Kosovës, Memli Krasniqi, ka thënë se ka kaluar mbi 8 muaj që kur janë bllokuar nga, siç e ka quajtur ai, "sjelljet arbitrare" që kanë fituar zgjedhjet, duke iu referuar ngërçit politik për formimin e Qeverisë. Ai ka theksuar se koha e fjalëve ka marrë fund dhe ka kërkuar që tashmë të verifikohet deklarata e Lëvizjes Vetëvendosje (VV) se kanë arritur shumicën parlamentare.
"Ne u bëjmë ftesë që tash ta dëshmoni këtë përgjegjësi," ka thënë Krasniqi, duke nënkuptuar se është koha për veprime konkrete dhe jo thjesht fjalë.
Ndërkohë, kryetari i Lidhjes Demokratike të Kosovës, Lumir Abdixhiku, ka theksuar se nuk sheh asgjë të re pas deklaratës së mandatari, i cili ka pranuar se nuk ka shumicën parlamentare. Abdixhiku ka theksuar se sot, në vend të një seance për formimin e Qeverisë, duhej të lindte "thelbi i demokracisë", mazhoranca politike, por kjo ka dështuar.
"Ky proces është i mangët. Në këtë mungesë njohjeje bazike të arsyes pse jemi mbledhur sot, dëgjuam një përmbledhje pune fiktive që është kryer në legjislaturën e kaluar. Tani së paku minimalisht do të duhej të kishim dinjitet. Mungesa e këtij dinjiteti ka sjellë në shkelje të paimagjinueshme 48 herë të Kushtetutës së Kosovës," ka deklaruar Abdixhiku.
