Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Kuvendi nuk arriti të zgjedhë presidentin/ KQZ propozon datën 7 qershor për zhvillimin e zgjedhjeve të reja parlamentare në Kosovë
PiranjatPërditësimi i fundit 29 Prill 2026, 16:15
Kreu i Komisionit Qendror Zgjedhor Kreshnik Radoniqi, pas një takimi me Albulena Haxhiun, e cila ushtron detyrën e presidentes pas dorëzimit të mandatit nga Vjosa Osmani, ka propozuar si datë për zhvillimin e zgjedhjeve, 7 qershorin. Sa i përket çështjes së buxhetit për zgjedhjet, Radoniqi tha se ende nuk është shqyrtuar në KQZ.
“Sa më vonë. Çështje e buxhetit ende nuk është diskutuar në KQZ, po besoj do të jetë përafërsisht si zgjedhjet e kaluara. Na nevojitet përgatitje, nuk është proces i lehtë…Dy data 31 maj ose 7 qershor, kështu që për mendimin tonë është 7 qershori, por prapë le t’i mbetet presidentes”, tha ai pas takimit me Albulena Haxhiun.
Tani i mbetet Është Haxhiut për të dekretuar datën e zgjedhjeve të reja parlamentare. Kosova shkoi në zgjedhje të parakohshme, pasi procesi për zgjedhjen e presidentit dështoi të përmbyllet brenda afateve kushtetuese, duke thelluar krizën politike dhe institucionale në vend.
Moszgjedhja e presidentit brenda afatit kushtetues hap rrugën për shpërndarjen e Kuvendit dhe organizimin e zgjedhjeve të reja parlamentare, duke e futur vendin në një tjetër cikël elektoral. Kurti akuzoi opozitën për mungesë bashkëpunimi, duke thënë se mazhoranca kishte ofruar zgjidhje, por ato nuk ishin pranuar.
Ndërsa, Kryetari i Lidhjes Demokratike të Kosovës, Lumir Abdixhiku tha se vendi shkoi në zgjedhje pasi pushteti me 51% kërkoi nënshtrim. Sipas Abdixhikut, situata erdhi deri në këtë pikë meqë ish-presidenten Vjosa Osmani, Lëvizja Vetëvendosje e pa vetëm si kuorum e jo si një presidente dinjitoze.
Partia Demokratike e Kosovës ka bërë të ditur se përfundimi i afatit për zgjedhjen e Presidentit ka parandaluar një shkelje të rëndë kushtetuese. Sipas PDK-së, dështimi i procesit erdhi si pasojë e përpjekjeve të pushtetit për të imponuar zgjidhje të njëanshme.
