Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Çdo gjë që ndodh rreth e qark nesh, drejtëpërdrejtë nga kryeqyteti. Revista ditore e ndodhive brenda dhe jashtë vendit vj...
KOSOVA
Çmimi i naftës bie në bursë, por në Kosovë mbetet i pandryshuara
PiranjatPërditësimi i fundit 22 Tetor 2025, 14:42
Çmimet e derivateve të naftës kanë rënë nën 61 dollarë për fuçi në tregjet ndërkombëtare gjatë ditës së hënë, por kjo ulje ende nuk është reflektuar në tregun e Kosovës.
Kryetari i Naftëtarëve të Kosovës, Fadil Bernjani, ka deklaruar se aktualisht çmimet në vend variojnë, Dizel nga 1.16 deri në 1.25 euro për litër, dhe Benzinë nga 1.17 deri në 1.26 euro për litër
Sipas Bernjanit, lëvizjet në çmime janë të ndërlidhura ngushtë me zhvillimet në bursat ndërkombëtare dhe politikat e OPEC, organizatës që menaxhon prodhimin global të naftës.
“Çfarë çmimesh do të kemi në ditët në vijim nuk mund të parashikojmë, pasi tregu është i paqëndrueshëm dhe po ndodhin luhatje në bursë, por edhe brenda vetë OPEC-ut,” ka deklaruar Bernjani për mediat.
Ai shtoi se megjithëse sot ka pasur një rritje të lehtë të çmimit në bursë, në Kosovë nuk është vërejtur ndonjë ndryshim në çmimet me pakicë.
Pavarësisht kësaj, Bernjani u shpreh se çmimet në Kosovë janë më të ulëta se në vendet fqinje. “Qytetarët tanë aktualisht furnizohen me çmime më të lira sesa në rajon. Për shembull, sot në Shqipëri dizeli kushton 1.77 euro për litër, ndërsa benzina 1.80 euro për litër,” u shpreh ai.
Rënia e fundit në bursat e naftës po ndikohet nga pritjet për një tepricë furnizimi në fund të këtij viti dhe fillimin e vitit 2026, çka ka dobësuar ndjeshëm kërkesën dhe besimin në treg.
