Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Operacion i gjerë policor në Veri të Kosovës, Prokuroria Speciale urdhër për bastisje në Zubin Potok dhe Zveçan
PiranjatPërditësimi i fundit 19 Tetor 2025, 07:24
Prokuroria Speciale e Kosovës ka ndërmarrë sot në mëngjes një operacion të gjerë policor në komunat e Zubin Potokut dhe Zveçanit, në veri të vendit. Sipas një njoftimi zyrtar për media, operacioni po realizohet në bashkëpunim me hetuesit e Drejtorisë për Hetimin e Krimit të Organizuar dhe Krimeve të Rënda, në zbatim të një urdhri të Gjykatës, lëshuar me kërkesë të Prokurorisë Speciale.
Operacioni përfshin bastisje në nëntë lokacione të ndryshme, ku ekziston dyshimi i bazuar për përfshirje në disa vepra të rënda penale, përkatësisht:
- Rrezikim i personelit të Kombeve të Bashkuara ose personelit në marrëdhënie me ta
- Vrasje e rëndë
- Sulm ndaj personit zyrtar gjatë kryerjes së detyrës zyrtare
Operacioni është duke u mbështetur edhe nga njësi të tjera relevante të Policisë së Kosovës, ndërsa autoritetet kanë theksuar se të gjitha veprimet po ndërmerren në përputhje me dispozitat e Kodit të Procedurës Penale të Kosovës.
“Prokuroria Speciale bashkë me Policinë e Kosovës është duke ndërmarrë të gjitha veprimet e nevojshme hetimore, në përputhje me Kodin e Procedurës Penale. Publiku do të njoftohet me detaje, pas përfundimit të operacionit,” thuhet në njoftimin zyrtar.
