Është ndërprerë furnizimi me ujë të pijshëm në qytetin e Vlorës.
Shoqëria e Ujësjellës-Kanalizime...
KOSOVA
Operacioni “Qielli i Thyer”, këta janë 7 të arrestuarit për drogë në Kosovë. U zbuluan nga Sky ECC
PiranjatPërditësimi i fundit 24 Shtator 2025, 21:40
Shtatë persona u arrestuan gjatë operacionit të gjerë policor të zhvilluar me 24 shtator në koordinim me Prokurorinë Speciale dhe Gjykatën Themelore – Departamenti Special. Të dyshuarit janë: Arxhend Qupevaj, Arben Qupevaj, Albin Qupevaj, Ekrem Bajrami, Visar Muriqi, Astrit Kazmi, Fatmir Mujaj.
Operacioni ka rezultuar me sekuestrimin e kokainës, armëve, veturave luksoze, parave të gatshme dhe orëve të shtrenjta, duke goditur një grup të organizuar kriminal që dyshohet për trafikim ndërkombëtar narkotikësh dhe shpëlarje parash. Operacioni, i koduar “Qielli i Thyer” u realizua në 25 lokacione të ndryshme.
“Të pandehurit, dyshohet se kanë përdorur aplikacionin e njohur për komunikim të enkriptuar SkyECC për të organizuar aktivitetet e tyre kriminale”, u tha në njoftim.
Gjatë këtij operacioni, autoritetet thanë se sekuestruan sasi të konsiderueshme të provave materiale, përfshirë edhe afër 700 gramë drogë, të dyshuar kokainë, para të gatshme në vlerë prej mbi 11 mijë eurosh, 34 automjete, shtatë armë zjarri, dokumente personale me identitet të rremë dhe pajisje të ndryshme elektronike.
Për këtë operacion, autoritetet kosovare bashkëpunuan me homologët ndërkombëtarë nga Belgjika, Franca, Holanda dhe me Europol-in.
Në qershor të këtij viti, Policia e Kosovës kishte arrestuar 22 persona në një operacion antidrogë. Atëbotë, autoritetet thanë se shkatërruan një grup të krimit të organizuar dhe trafikimit me narkotikë, që dyshohet se i kishin kryer veprën penale të krimit të organizuar përmes aplikacionit SkyECC.
Aplikacioni SKYECC është krijuar nga një kompani kanadeze për komunikim të sigurt. Por, vitet e fundit ky aplikacion po përdoret për koordinimin e aktiviteteve të grupeve kriminale në mbarë botën.
Në gusht, Agjencia e Bashkimit Evropian për Bashkëpunim në Zbatim të Ligjit (Europol) goditi një grup kriminal në Shqipëri, që po ashtu kishte përdorur këtë aplikacion për komunikim.
