Pensioniste duke shfrytezuar rrezet e diellit dhe temperaturat e larta ne parkun ne Sheshin Skenderbej ne qender te Tiranes. Qeveria Rama ka akorduar bonusin ...
Dashi
Pas një vere të mbushur me emocione, vëmendja juaj po rikthehet gradualisht te puna dhe rutina. Në dashuri mund të ketë e...
KOSOVA
Osmani: Pas zgjedhjeve i thashë Abdixhikut të mos propozohej emri im për presidente
PiranjatPërditësimi i fundit 15 Gusht 2026, 09:48
Deputetja e LDK-së, Vjosa Osmani, ka deklaruar se pas zgjedhjeve të 6 qershorit e kishte njoftuar Lidhjen Demokratike të Kosovës se nuk dëshironte që emri i saj të propozohej për një mandat të dytë si presidente.
Osmani ka sqaruar se deklaratat e saj të mëhershme për mundësinë e një mandati të dytë ishin bërë në rrethana të ndryshme politike, kur, sipas saj, ishte krijuar një mundësi e re në raportet e Kosovës me Shtetet e Bashkuara të Amerikës.
“Kur e kam përmendur mandatin e dytë kanë qenë rrethana të tjera, kemi pasur një dritare të re që u hap me SHBA-të dhe kam menduar që do të ishte një dëm shumë i madh për Republikën nëse nuk e shfrytëzon atë mundësi”, ka thënë Osmani në Kanal 10.
Ajo ka deklaruar se kjo mundësi nuk ishte shfrytëzuar dhe se pas përfundimit të zgjedhjeve kishte vendosur ta bënte të qartë qëndrimin e saj para strukturave të LDK-së.
“Prandaj, pasi kanë përfunduar zgjedhjet e 6 qershorit, e kam njoftuar edhe partinë dhe të parin e LDK-së se nuk do të doja që emri im as të propozohej e as të insistohej për presidente”, ka deklaruar Osmani.
Kështu, ish-presidentja ka bërë të ditur se nuk dëshiron që emri i saj të përfshihet në diskutimet e ardhshme politike për zgjedhjen e presidentit të Kosovës.
