Deputeti i Partisë Demokratike Saimir Korreshi komentoi deklaratën e kryeministrit Edi Rama se prindërit e studentëve duhet të paguajn&...
Furtuna e paralajmëruar nga kryeministri Edi Rama në administratën shtetërore ka nisur të marrë formë konkrete. Pas ultimatum...
Protestat kundër qeverisë shqiptare kanë tërhequr vëmendjen e revistës prestigjioze “The Economist”, e cila i analizon...
Partia Popullore Evropiane, grupimi më i madh i partive politike të djathta dhe të qendrës në Evropë, reagoi sërish për ...
Pas kontrolleve nga SPAK, biznesmeni izraelit, Ron Yeffet, po përballet me telashe edhe në Shtetet e Bashkuara të Amerikës. Përplasj...
Kontrolli i Lartë i Shtetit ka nisur një auditim në Spitalin e Traumës, pasi mbrëmjen e 19 tetorit, në kulmin e protestave stude...
Qeveria e Mbretërisë së Bashkuar ka bërë të ditur se po punon për të identifikuar çdo ekspozim të mundsh&e...
Të paktën tre persona kanë humbur jetën si pasojë e stuhive të fuqishme dhe përmbytjeve që goditën jugun e Franc&...
Kryeministri i Kosovës, Albin Kurti, i kërkon Bashkimit Evropian të bëjë hapin e radhës drejt integrimit të vendit, duke i ...
“Nëse Edi Rama do të zhvillonte zgjedhje tani, do t’i humbiste ato”. Kjo është deklarata që ish-presidenti serb Ale...
Presidenti serb akuzohet se ka marrë pjesë në ‘safarin e snajperëve’ që vrisnin civilë në Sarajevë Aleksandar Vuçiç thuhet se ka qenë i pranishëm në një pozicion ushtarak nga ku të huaj të ndryshëm qëllonin ndaj banorëve të qytetit gjatë Luftës së Bosnjës.
Presidenti i Serbisë është akuzuar se ka qenë i përfshirë në ‘safarin e snajperëve’ në Sarajevë gjatë luftës, ku të huaj të pasur thuhet se paguanin shumë para për të qëlluar mbi civilë. Pretendohet se Aleksandar Vuçiç ka qenë në një nga pozicionet ushtarake mbi qytet, prej nga të huajt paguanin për të qëlluar ndaj banorëve të Sarajevës gjatë rrethimit të viteve 1992–1996. Ka dalë edhe një video ku ai shfaqet si i ri duke udhëtuar me një fuoristradë, në bagazhin e së cilës shihet një kafkë njeriu që kishte vënë një helmetë të kaltër të paqeruajtësve të OKB-së.
Këto akuza ndaj Vuçiçit, të cilat ai i mohon, i ka bërë gazetari investigativ kroat Domagoj Margetiq. Ai ka paraqitur një ankesë te prokurorët italianë, të cilët tashmë po hetojnë pretendimet se italianë, rusë dhe amerikanë kanë marrë pjesë në ‘safari njerëzish’ gjatë luftës.
Margetiq tha: ‘Kam informuar prokurorinë për gjithçka di lidhur me lidhjen e Aleksandar Vuçiçit me safarit e njerëzve në Sarajevën e kohës së luftës. Kam bashkëngjitur të gjitha provat, videot, fotot, materialet audio e video, si edhe dokumentet mediatike të kohës.’ Në materialin e paraqitur, ai pretendon se Vuçiçi ishte ‘pjesëtar i një njësie paramilitare, nën kontrollin e Partisë Radikale Serbe në Serbi, gjatë viteve 1992 dhe 1993’. Njësia, sipas tij, ka qenë e pozicionuar ‘në një vend ushtarak... në varrezat hebraike në Sarajevë’, të cilat ishin përdorur nga forcat serbe si pozicion snajperësh.
Gjatë rrethimit të qytetit u vranë më shumë se 10 mijë njerëz nga granatimet dhe zjarri i snajperëve. Margetiq pretendon më tej se informacionet e tij ‘e vendosin pa asnjë dyshim Vuçiçin në kohën dhe vendin e këtyre krimeve’. Ai përmendi një video të vitit 1993, për të cilën thotë se tregon Vuçiçin duke mbajtur një pushkë.
Mbështetësit e Vuçiçit hedhin poshtë akuzat dhe thonë se objekti në video ishte një trekëmbësh për kamerë, pasi në atë kohë ai punonte si gazetar. Vetë Vuçiç ka thënë se objekti ishte një çadër.
Prokurorët në Milano nisën hetimet pasi morën informacione se italianë të pasur ishin mes të huajve që paguanin për të qëlluar mbi civilë boshnjakë, me ‘çmim më të lartë’ për gra, fëmijë dhe burra me uniformë. Këta ‘turistë lufte’ thuhet se lejoheshin të qëllonin mbi civilë nga milicitë serbo-boshnjake nën komandën e Radovan Karaxhiqit.
Zëdhënësja e presidentit, Suzana Vasiljeviç, i tha The Telegraph: ‘Pretendimet e gazetarit kroat Domagoj Margetiq janë një shembull klasik i dezinformatave të qëllimshme, të krijuara për të dëmtuar besueshmërinë institucionale të Serbisë dhe të presidentit të saj. Presidenti Vuçiç nuk ka marrë pjesë në luftë, nuk ka përdorur armë dhe nuk ka pasur rol në asnjë operacion ushtarak.’ Ajo shtoi se akuzat janë ‘politikisht të motivuara’ dhe synojnë të ‘rrënojnë reputacionin ndërkombëtar të Serbisë’.
Një dokumentar i quajtur ‘Sarajevo Safari’, publikuar në vitin 2022 nga një regjisor slloven, kishte paraqitur akuza të ngjashme për të huaj që shkonin në ‘safari lufte gjatë fundjavës’.
I pyetur për videon e fundit ku duket Vuçiç me makinën që mban kafkën, një burim serb tha se makina nuk ka qenë e tija dhe se ‘makina të tilla gjendeshin kudo në zonën e luftës’.
Pretendimet se të huaj të pasur udhëtonin drejt Sarajevës për ‘safari snajperësh’ janë përsëritur edhe nga një ish-diplomat italian, Michael Giffoni. Ai tha se sapo mbërriti në Sarajevë në vitin 1994, i thanë: ‘Organizohen safari. Shumë njerëz të pasur vijnë këtu, disa janë gjuetarë, të tjerë biznesmenë. Ushtria dhe paramilitarët i çojnë në kodrat mbi Sarajevë dhe ata paguajnë për këtë.’
Sipas tij, agjencia italiane e inteligjencës SISMI u informua për këtë ‘turizëm lufte’ dhe, në bashkëpunim me inteligjencën boshnjake, arriti të ndalonte ardhjen e italianëve. ‘Agjencia zbuloi se kush po e organizonte gjithë këtë dhe e mbylli,’ tha ai. Megjithatë, autoritetet italiane nuk arritën të identifikonin ndonjërin prej shtetasve të tyre që mund të ketë marrë pjesë në vrasjen e civilëve. ‘Po të kishim pasur emra, do t'i kishim ndjekur penalisht,’ tha Giffoni.
Ekspertë të Ballkanit i thanë The Telegraph se akuzat mund të jenë të vërteta, por duhen trajtuar me kujdes.
Dr. Helena Ivanov nga organizata Henry Jackson Society tha: ‘Gjatë luftës kanë ndodhur shumë gjëra të tmerrshme, por kanë qarkulluar edhe histori të frikshme që më vonë rezultuan të pavërteta, si pretendimet se ekstremistët myslimanë hidhnin foshnja serbe te luanët në kopshtin zoologjik, ose se luftëtarët e të tre palëve bënin varëse me gishtat e foshnjave. Historitë e rreme mund të qarkullojnë shumë gjatë. Prandaj, çdo akuzë e tillë e madhe, si ajo për safari snajperësh, duhet hetuar plotësisht dhe në mënyrë transparente. Nëse ka akuza të besueshme, ato duhen hetuar.’
Videoja që duket se e tregon Vuçiçin me automjetin me kafkë u postua nga profesor Jasmin Mujanoviçi, ekspert i Ballkanit dhe autor. Ai tha se ka ‘gjithnjë e më shumë prova… përfshirë dëshmi nga Gjykata Ndërkombëtare për ish-Jugosllavinë, për ekzistencën e 'safarive të njerëzve' të organizuara nga forcat nacionaliste serbe për turistë të pasur të huaj’.
Sipas tij, provat duhet të çojnë në hetime ‘në katër ose pesë vende të ndryshme’. Ai shtoi se akuzat janë ‘të besueshme’, por paralajmëroi: ‘Për pretendime kaq të jashtëzakonshme, nevojiten prova po aq të forta.’
‘Nëse janë të vërteta, duhet të ngrihen akuza të rënda penale ndaj të gjithë të përfshirëve,’ tha ai./ The Telegraph
Gjykata Supreme ka refuzuar ankesën e Partisë Demokratike të Kosovës për rivotim në Mitrovicë të Jugut. PDK u ankua nda...
Pas ngërçit të tejzgjatur, Kosova shkon në zgjedhje të reja. Presidentja e Kosovës, Vjosa Osmani ka vendosur që zgjedhje...
Këshilli Prokurorial i Kosovës (KPK) e ka shkarkuar të enjten Besim Kelmendin nga pozita e ushtruesit të detyrës së Kryeprokuror...
Presidentja e Kosovës, Vjosa Osmani e ka nënshkruar sot vendimin për të shpërndarë Kuvendin, pasi nuk është arritur as...
Gjykata Themelore në Prishtinë ka bërë të ditur të enjten se e ka anuluar seancën gjyqësore ndaj dy të akuzuarve ...
Presidentja e Kosovës, Vjosa Osmani, ka ftuar partitë parlamentare në një takim të përbashkët konsultativ pas dështimi...
Legjenda e Hollivudit, Robert De Niro, do të marrë pjesë në një projekt të veçantë filmik që do të xhirohet ...
Kuvendi i Kosovës ka votuar kundër formimit të qeverisë me kryeministër Glauk Konjufcën. Pro formimit të propozim...
Ngërçi për krijimin e qeverisë në Kosovë duket se do të vazhdojë ende. Parlamenti i Kosovës nuk ka votuar as n...
Një mbrëmje tepër e veçantë u përjetua në teatrin e Gjakovës kur sopranoja Ermonela Jaho interpretoi finalen e &ldqu...
