Një tjetër rast mashtrimi nga Florian Gjergji. I riu nga Shkodra, i cili dyshohet se ndodhet në Gjermani ka arritur që të mashtroj&eu...
KOSOVA
Ermonela Jaho, sopranoja që përloti Gjakovën: Kënga “Suor Angelica” si nëna Pashka që priti eshtrat e djemve të rrëmbyer nga policia serbe
PiranjatPërditësimi i fundit 19 Nëntor 2025, 14:56
Një mbrëmje tepër e veçantë u përjetua në teatrin e Gjakovës kur sopranoja Ermonela Jaho interpretoi finalen e “Suor Angelica-s”. Por kjo nuk ishte thjesht një performancë artistike. Lotët e saj dhe të orkestrës, emocionet e aktorëve dhe reagimi i publikut treguan se kjo ishte një ngjarje që shtrihej përtej skenës dhe muzikës.
Para se të ngjitej në skenë, Ermonela vizitoi nënë Ferdonije Çerkezin, një nënë gjakovare që kishte humbur burrin dhe katër djemtë e saj gjatë luftës. Aty analisti i njohur Ermali Hasmija ishte dëshmitar i emocioneve të fuqishme që përjetoi sopranoja.
Siç tregon Hasmija: “Sa u futem në makinë pas vizitës te nënë Ferdonije, ndjeva një dridhje të fortë. Pastaj Ermonela më tha: ‘Tani e di për çfarë do të këndoj sonte’. Ajo nuk ishte thjesht sopranoja e njohur në botë, por vajza jonë shqiptare që dridhej nga emocionet dhe dhimbja e historisë së nënave gjakovare.”
Gjatë shfaqjes, Ermonela këndoi italisht rolin e Suor Angelica-s, por audienca e ndjeu dhimbjen e nënave të Gjakovës që kishin humbur fëmijët e tyre. Në fund të shfaqjes, ajo drejtoi duart nga nënë Ferdonija, duke thënë: “Sot ne jemi të gjithë fëmijët e tu”, duke bërë që salla të shpërthente në duartrokitje të zjarrta.
Ermali Hasmija përshkruan se momenti nuk ishte vetëm një performancë, por një përvojë shpirtërore ku arti u bë mjet për të përjetuar dhimbjen, për të lidhur komunitetin dhe për të ndjerë fuqinë e emocioneve njerëzore.
Në fund fare analisti i njohur e përmbyll duke thëne" Ju mund te keni pare shfaqje prekese, por nuk besoj se keni parë shfaqje ku sopranoja qan ndersa këndon, ku aktorët e tjerë qajnë, kur orkestra fshin lotët teksa luan dhe salla bëhet pjesë e tragjedisë. Kur finalja mbaron, një aktor oisndihmon Ermonelën të ngrihet në këmbë".
