Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
KOSOVA
U arrestua vetëm pak ditë më parë për spiunazh, analisti Fatmir Sheholli përfundon në spital! Ja çfarë dyshohet
PiranjatPërditësimi i fundit 12 Tetor 2025, 16:35
Fatmir Sheholli, i arrestuar më 9 tetor 2025 nën dyshimet për veprën penale të spiunazhit, aktualisht po trajtohet në Spitalin Rajonal të Gjilanit pas kërkesës për ndihmë mjekësore.
Lajmin e ka konfirmuar për mediat ushtruesi i detyrës së drejtorit të spitalit, Afrim Cana, i cili tha se Sheholli është hospitalizuar që nga data 11 tetor.
“Pacienti është pranuar dje me disa ndryshime në gjendjen shëndetësore. Pas kontrollimeve në emergjencë, është hospitalizuar dhe po trajtohet në Spitalin e Gjilanit,” deklaroi Cana.
Ndërkohë, Gjykata Themelore e Prishtinës më 10 tetor ka vendosur masën e paraburgimit prej një muaji ndaj Shehollit, pas kërkesës së paraqitur nga Prokuroria. Në njoftimin zyrtar të gjykatës thuhej se ekziston rreziku i ikjes dhe shmangies nga drejtësia, për shkak të natyrës së rëndë të veprës penale për të cilën ai dyshohet.
“Caktimi i paraburgimit është masë adekuate, pasi ekziston rreziku që i pandehuri të shmanget nga ndjekja penale. Ai dyshohet për një vepër penale me rrezikshmëri të lartë, spiunazh,” thuhej në vendimin e gjykatës.
Derisa procedura ligjore ndaj tij është në zhvillim, autoritetet nuk kanë dhënë detaje të tjera mbi natyrën e hetimeve apo palën për të cilën dyshohet se ka kryer veprimtarinë e spiunazhit.
Gjykata ende nuk ka bërë ndonjë deklaratë shtesë mbi statusin aktual të procedurës pas hospitalizimit të të dyshuarit.
