Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
'Komunalet'/ Vlora Çitaku u bën thirrje qytetarëve të votojnë: Shqetësues ndërrimi i vendvotimeve
PiranjatPërditësimi i fundit 12 Tetor 2025, 15:31
Sekretarja e Përgjithshme e Partisë Demokratike të Kosovës, Vlora Çitaku, ka bërë thirrje për pjesëmarrje masive në votime, duke theksuar rëndësinë e këtij procesi për të ardhmen demokratike të vendit.
Në një konferencë për media, Çitaku shprehu shqetësim për rastet e raportuara të ndërrimit të vendvotimeve në disa komuna, duke kërkuar që kjo çështje të adresohet urgjentisht nga Komisioni Qendror i Zgjedhjeve (KQZ).
“Shqetësim që na vjen në mënyrë të përsëritur është ndërrimi i vendvotimeve në disa komuna. Mirëpo kjo nuk vlen vetëm për votuesit tanë, por duhet të jetë një shqetësim më i madh që duhet të adresohet nga KQZ-ja”, tha Çitaku.
Megjithatë, ajo u shpreh optimiste për pjesëmarrjen e qytetarëve në procesin zgjedhor, duke theksuar një atmosferë pozitive dhe mobilizim të madh në shumë komuna, veçanërisht aty ku PDK garon me kandidatë të fortë.
“Pjesëmarrja është në rritje, entuziazmi i qytetarëve është i dukshëm. Në shumë komuna, vërehet një frymë mbështetjeje dhe besimi, veçanërisht aty ku PDK garon me ekipe të përkushtuara. Qytetarët e Kosovës po e dëshmojnë që janë të vetëdijshëm për rëndësinë e votës,” u shpreh ajo.
